Eng ko‘p kartoshka importi: dekabrda O‘zbekiston bozorlaridagi vaziyat qanday o‘zgarmoqda?

O‘zbekistonda 1—18-dekabr kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.

Ushbu davr mobaynida bozorda quyidagi mahsulotlar arzonlashgan:

• sarimsoq piyoz — 2,75 ming so‘mga;
• banan — 2,5 ming so‘mga;
• apelsin — ming so‘mga;
• lavlagi — 500 so‘mga.

Shuningdek, quyidagi mahsulotlarning narxi oshgan:

• bulg‘or qalampiri (qizil) — 5,5 ming so‘mga;
• bulg‘or qalampiri (yashil), nok (mahalliy) — 4 ming so‘mga;
• olma (import), nok (import) va no‘xat — 2,5 ming so‘mga;
• pomidor (qizil) hamda guruch (alanga) — ming so‘mga;
• karam, mosh va piyoz — 500 so‘mga.

Bu davrda umumiy qiymati 65,5 mln dollarlik (o‘tgan yilning mos davriga nisbatan 1,7 mln dollar ko‘p) jami 85,2 ming tonna (3,6 ming tonna kam) qishloq xo‘jaligi mahsulotlari eksporti amalga oshirildi.

1—18- dekabr kunlari quyidagi mahsulotlar tashqi bozorlarga yetkazib berilgan:

• 16 ming tonna uzum;
• 11,9 ming tonna xurmo;
• 11 ming tonna mosh;
• 7,1 ming tonna loviya;
• 7,4 ming tonna piyoz;
• 3,9 ming tonnadan quritilgan meva;
• 3,4 ming tonna pomidor;
• 2,6 ming tonna gulkaram.

Shuningdek, ushbu davr mobaynida 14,4 mln dollar (o‘tgan yilning mos davriga nisbatan 5,3 ming dollar kam) qiymatidagi jami 54,8 ming tonna (20,6 ming tonna kam) qishloq xo‘jaligi mahsulotlari, xususan, 29,4 ming tonna kartoshka, 6,9 ming tonna mandarin, 6,7 ming tonna banan, 5,7 ming tonna piyoz, 1,1 ming tonna apelsin hamda 785 tonna kivi import qilingan.

“Qo‘yliq” bozoriga hududlardan jami 11,2 ming tonna, xususan, 5,2 ming tonna kartoshka, 4,7 ming tonna piyoz, 479 tonna karam va 840 tonna sabzi keltirilgan.

Xususan, hududlar va mahsulotlar kesimida tahlil qilinganda:

• Samarqanddan 949 tonna, Toshkent viloyatidan 602 tonna kartoshka;
• Jizzaxdan 1 499 tonna, Toshkent viloyatidan 1 313 tonna va Samarqanddan 1 280 tonna piyoz;
• Toshkent viloyatidan 479 tonna karam;
• Qashqadaryodan 473 tonna, Surxondaryodan 165 tonna, Toshkentdan 120 tonna, Buxorodan 82 tonna sabzi yetkazib berilgan.

Shuningdek, “Qo‘yliq” bozoriga Qozog‘istondan 2 916 tonna, Qirg‘izistondan 556 tonna va Rossiyadan 72 tonna kartoshka hamda Qozog‘istondan 598 tonna piyoz keltirilgan.

Shu bilan birga, hududlardan “Chorsu” dehqon bozoriga jami 226,5 tonna, shu jumladan, 206,5 tonna mol go‘shti va 20 tonna qo‘y go‘shti keltirib sotilgan.

Mavzuga doir: O‘zbekiston kartoshka importini oshirdi. Mahsulot eng ko‘p Pokistondan olib kelinmoqda