2022-yilning yanvar—noyabr oylarida O‘zbekiston Xitoyga quvur orqali gaz yetkazib berish hajmi bo‘yicha to‘rtinchi o‘rinni egallagan. Bu haqda Xitoy bojxona bosh boshqarmasiga tayanib “TASS” xabar bermoqda.
Boshqarmaning onlayn tizimida so‘nggi oylarda import qilingan quvur gazining jismoniy hajmi ko‘rsatilmagan.
Departament ma’lumotlariga ko‘ra, Xitoyga gaz quvuri orqali yonilg‘i yetkazib beruvchi davlatlar orasida Turkmaniston birinchi o‘rinni egallashda davom etmoqda.
O‘n bir oy davomida bu mamlakatdan yetkazib berilgan xomashyo 9,28 milliard dollarni tashkil etdi.
Ikkinchi o‘rinni 3,5 milliard dollar bilan Rossiya egallagan bo‘lsa, uchinchi o‘rinda Myanma qayd etilgan — 1,29 milliard dollar.
Mazkur ko‘rsatkich bo‘yicha to‘rtinchi o‘rinni O‘zbekiston (1,03 mlrd dollar), beshinchi o‘rinni Qozog‘iston (1 mlrd dollar) egallagan.
O‘zbekiston Xitoyga quvur orqali gaz yetkazib berish bo‘yicha o‘tgan oyda Qozog‘istondan keyin beshinchi o‘rinda borayotgan edi. Noyabr oyining o‘zida mamlakat Xitoyga qariyb 100 mln dollarlik gaz yetkazib bergan.
Avvalroq “O‘ztransgaz” boshqaruvi raisi Behzod Normatov kunlar sovib ketishi bilan barcha davlatlarga, shu jumladan, Xitoyga qilinayotgan gaz eksporti ham 100 foizga to‘xtatilgani va aholi iste’moliga yo‘naltirilganini aytgan edi.
Izoh (1)
Xitoyga gaz berishni to'xtatish bizni qo'limizdan keladimi?