2022 йилнинг январь—ноябрь ойларида Ўзбекистон Хитойга қувур орқали газ етказиб бериш ҳажми бўйича тўртинчи ўринни эгаллаган. Бу ҳақда Хитой божхона бош бошқармасига таяниб «ТАСС» хабар бермоқда.
Бошқарманинг онлайн тизимида сўнгги ойларда импорт қилинган қувур газининг жисмоний ҳажми кўрсатилмаган.
Департамент маълумотларига кўра, Хитойга газ қувури орқали ёнилғи етказиб берувчи давлатлар орасида Туркманистон биринчи ўринни эгаллашда давом этмоқда.
Ўн бир ой давомида бу мамлакатдан етказиб берилган хом ашё 9,28 миллиард долларни ташкил этди.
Иккинчи ўринни 3,5 миллиард доллар билан Россия эгаллаган бўлса, учинчи ўринда Мьянма қайд этилган — 1,29 миллиард доллар.
Мазкур кўрсаткич бўйича тўртинчи ўринни Ўзбекистон (1,03 млрд доллар), бешинчи ўринни Қозоғистон (1 млрд доллар) эгаллаган.
Ўзбекистон Хитойга қувур орқали газ етказиб бериш бўйича ўтган ойда Қозоғистондан кейин бешинчи ўринда бораётган эди. Ноябрь ойининг ўзида мамлакат Хитойга қарийб 100 млн долларлик газ етказиб берган.
Аввалроқ «Ўзтрансгаз» бошқаруви раиси Беҳзод Норматов кунлар совиб кетиши билан барча давлатларга, шу жумладан, Хитойга қилинаётган газ экспорти ҳам 100 фоизга тўхтатилгани ва аҳоли истеъмолига йўналтирилганини айтган эди.
Изоҳ (1)
Xitoyga gaz berishni to'xtatish bizni qo'limizdan keladimi?