BMTning Oziq–ovqat va qishloq xo‘jaligi tashkiloti (FAO) va Toshkent shahridagi Xalqaro Vestminster universiteti (TXVU) bilan hamkorlikda oziq-ovqat narxlari ma’lumotlarini tarqatish va tahlil qilishni osonlashtirish uchun veb-vosita bo‘lgan oziq-ovqat narxlari monitoringi va tahlilini (FPMA) ishga tushirdi, deb xabar bermoqda O‘zA.
Ushbu vositani ishga tushirishdan maqsad — uni milliy va xalqaro hamjamiyat va qaror qabul qiluvchilarga narx to‘g‘risida ishonchli ma’lumot berish uchun qimmatli ommaviy vositaga aylantirish. Narxlar to‘g‘risidagi ma’lumotlardan turli xil milliy institutlar, xalqaro tashkilotlar, ilmiy doiralar va ommaviy axborot vositalari foydalanishlari mumkin.
Qayd etilishicha, FPMA katta hajmdagi narx ma’lumotlarini oson yo‘l bilan olish imkonini beradi. Bu foydalanuvchilarga aniq bir mahsulot narxini tezda ko‘rib chiqish, mamlakat — bozor — tovar o‘rtasida taqqoslash, grafikalar, ma’lumotlar va o‘rtacha ko‘rsatkichlar, foiz o‘zgarishlari kabi asosiy statistik ma’lumotlarni yuklab olishiga xizmat qiladi.
O‘zbekistondagi vosita uch tilda — o‘zbek, ingliz va rus tillarida mavjud. Bugungi kunda ushbu vosita 2019-yil yanvar oyidan boshlab dehqon bozorlaridagi 77 ta oziq-ovqat mahsulotlari to‘g‘risidagi ma’lumotlarni o‘z ichiga oladi. Shu bilan birga markaz mahalliy chakana bozordan ma’lumotlar yig‘ishni ham boshlagan.
Bundan tashqari, ushbu vosita O‘zbekiston hukumatiga 2020—2030-yillarda qishloq xo‘jaligini rivojlantirish strategiyasini amalga oshirishda yordam beradi. Narxlar va bozor ma’lumotlari tizimlari qishloq xo‘jaligini rivojlantirish uchun, ayniqsa, kichik yer egalari va oziq-ovqat ishlab chiqaruvchilar uchun muhim.
Izoh (0)