Ishbilarmonlik faolligi indeksi (IFI) 2022-yil noyabr oyida 1040 birlikni tashkil etib, oktabr oyiga nisbatan 4,0 foizga oshgan. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Shuningdek, ishbilarmonlik faolligi indeksi o‘tgan yilning mos davriga nisbatan esa 9,4 foizlik o‘sish qayd etildi.
Komponentlar darajasidagi o‘zgarishlar
2022-yilning noyabr oyida Ishbilarmonlik faolligi indeksi o‘tgan oyga nisbatan 4,0 foizga oshib, 1040 birlikni tashkil etishi, quyidagi komponentlar darajasidagi o‘zgarishlarga bog‘liq bo‘lgan:
- korxonalarning bank hisobvaraqalaridagi opreatsiyalar soni 7,2 foizga oshgan;
- faoliyat ko‘rsatayotgan korxonalar bo‘yicha komponent 1,0 foizga oshgan;
- Tovar-xom ashyo birjasida xom ashyo sotib olish jadalligi 5,8 foizga oshgan;
- tovar belgilari bo‘yicha komponent 37,8 foizga kamaygan.
Hududlar kesimida Jizzax viloyatida eng yuqori o‘sish sur’ati qayd etilgan.
2022-yil noyabr oyida Ishbilarmonlik faolligi indeksi barcha hududlarda o‘tgan oyga (2022-yil oktabr) nisbatan o‘sish kuzatilgan.
Jizzax (50,2 foiz), Samarqand (48,2 foiz), Toshkent (40,4 foiz), Surxondaryo (38,9 foiz), Buxoro (37,8 foiz) va Farg‘ona (34,3 foiz) viloyatlarida sezilarli darajada o‘sish kuzatilgan.
Izoh (0)