2022-yilning noyabr oyida korxonalarning faolligi va brendlarni ro‘yxatga olish jarayonlari baholandi. Bu haqda “Daryo”ga Iqtisodiy tadqiqotlar va islohotlar markazi xabar berdi.
Korxonalar bo‘yicha komponent 2022-yil noyabr oyida 1,0103 birlikni tashkil etib, o‘tgan oyga nisbatan 1 foizga oshganini ko‘rsatadi. Ushbu ko‘rsatkich o‘tgan yilning mos davriga nisbatan ham ijobiy o‘zgarib, 13,1 foizga oshgan.
2022-yil noyabr oyida barcha turdagi faoliyat yuritayotgan korxonalar soni 2022-yilning oktabr oyiga (624 907 birlik) nisbatan 8 144 taga ko‘payib, 633 051 birlikni tashkil etgan.
Yirik tadbirkorlik bilan shug‘ullanuvchi korxonalar soni 16 taga oshgan.
Hisobot davrida, kichik korxonalar soni 512 637 tadan 520 199 tagacha ko‘paygan (o‘sish 7 562 ta).
Fermer xo‘jaliklari soni 108 633 tadan 109 199 tagacha (o‘sish 566 ta) ko‘paygan. Yirik tadbirkorlik bilan shug‘ullanayotgan subyektlar soni 3 653 tani tashkil etib, 2022-yilning oktabr oyiga nisbatan 16 taga ko‘paygan.
Brendlarni ro‘yxatga olish
2022-yil noyabr oyida savdo belgilari muhofazasi bo‘yicha biznes faolligi indeksi 0,6221 birlikni tashkil etib, ushbu ko‘rsatkich 2022-yilning oktabr oyiga nisbatan 37,8 foizga kamaygan.
Joriy yilning noyabr oyida yuridik shaxslar tomonidan 163 ta tovar belgilari va tovar nomlari ro‘yxatga olingan.
Izoh (0)