Rossiya qimmatli qog‘ozlari 2022-yilda boshqa aksiyalarga qaraganda ancha arzonlashgan. Bunga sabab esa Ukrainadagi urush va Rossiyadan investorlarning chiqib ketishidir. Bu haqda Bloomberg xabar bermoqda.
“Dollarda ifodalangan Rossiya fond indeksi RTS joriy yilda 35 foizga pasaydi”, — deb yozadi agentlik.
Bu 92 ta indeks orasidagi eng yomon natija, shuningdek, dollar bo‘yicha uchinchi eng yomon natija hisoblanmoqda.
“Rublda hisoblangan Moskva birjasi indeksi 44 foizga tushib, 2008-yildan beri eng keskin pasayishni ko‘rsatdi. “Lukoyl” va “Gazprom” aksiyalari joriy yilda mos ravishda 30 foiz va 53 foiz, Sberbank esa 54 foiz qimmatli qog‘ozlarini yo‘qotdi”, — deb ta’kidlaydi Bloomberg.
Shu bilan birga, agentlikning yozishicha, Rossiya iqtisodiyoti sanksiyalarga “kutilganidan ham yaxshi” bardosh berdi.
Biroq InTouch Capital Markets kompaniyasining katta valyuta tahlilchisi Petr Mathisning fikricha, “G‘arb sanksiyalari Rossiya iqtisodiyotiga ta’sir qila boshladi” va mamlakat aksiyalari davom etayotgan sanksiyalar tufayli yaxshi istiqbolga ega emas.
Aksincha, ITI Capital katta investitsiya strategi Iskandar Lutsko yangi cheklovlar, jumladan, Rossiya neftining maksimal narxi “o‘yin qoidalarini o‘zgartirmasligiga” ishonadi.
Izoh (0)