Андижонда 3 опа-сингил ва уларга таниш бўлган 2 қиз муштлашди (видео)

Ижтимоий тармоқларда Андижон вилояти Пахтаобод туманида қизлар ўртасида жанжал юз бергани акс этган видеохабар тарқалди. Ҳолат вилоят ИИБ томонидан назоратга олиниб, ўрганиш ишлари ўтказилди.

Аниқланишича, 7 декабрь куни соат 13:00 да Пахтаобод тумани «Муаззимбой» МФЙ ҳудудида жойлашган «Гумбаз» ошхонаси олдида шу туманинг «Қашқар» МФЙда яшовчи 3 нафар опа-сингил — М.Н., М.I. ва М.А. ҳамда уларга олдиндан таниш бўлган, «Наврўз» МФЙда яшовчи фуқаролар — С.С. ва С.Ю. ўртасида жанжал юзага келган. Жанжалнинг келиб чиқишига М.Н. томонидан С.Ю.га ҳақоратли сўзларнинг айтилгани сабаб бўлган.

Ҳолат юзасидан туман ИИБ ходимлари томонидан ушбу фуқароларга нисбатан Маъмурий жавобгарлик тўғрисидаги кодекснинг 183-моддаси (майда безорилик) тартибида ҳужжатлар расмийлаштириб, чора кўриш учун ЖИБ Пахтаобод тумани судига юборилган.

Мавзуга доир:

• Тошкент вилояти ИИББ «йигит талашиб уришгани» айтилган қизлар жанжалига изоҳ берди
• Қорақалпоғистондаги қизлар жанжалига нима сабаб бўлгани маълум қилинди
• Қорақалпоғистонда бир гуруҳ аёллар бошқа бир аёлни «самосуд» қилди (видео)