Karim Benzema Fransiya terma jamoasidagi faoliyatini yakunladi. Bu haqida futbolchining o‘zi Instagram sahifasida ma’lum qildi.
“Bugungi kunga yetib kelish uchun qo‘limdan kelganini qildim va orada xatolarga ham yo‘l qo‘ydim. Bundan faxrlanaman! O‘z hikoyamni yozdim va bizning umumiyligimiz shu yerda yakun topdi”, — deb yozdi futbolchi.
Karim 2007-yildan buyon terma jamoa sharafini himoya qilib kelayotgan edi. Fransiya tarkibida 97 ta o‘yinda maydonga tushib, 37 ta golga mualliflik qilgan. Benzema Fransiya bilan birga 2020/21-yilgi mavsum Millatlar Ligasida g‘alaba qozongan.
35 yoshli futbolchi JCH—2022 da ishtirok etmadi. Jarohat olgandan so‘ng Didye Desham unga bazani tark etishini aytgan. Benzemaning fikriga ko‘ra, murabbiyning u bilan munosabati yaxshi emas. Shu sababli hujumchi Qatardagi mundialda ishtirok etmadi.
Izoh (0)