Карим Бензема Франция терма жамоасидаги фаолиятини якунлади. Бу ҳақида футболчининг ўзи Instagram саҳифасида маълум қилди.
«Бугунги кунга етиб келиш учун қўлимдан келганини қилдим ва орада хатоларга ҳам йўл қўйдим. Бундан фахрланаман! Ўз ҳикоямни ёздим ва бизнинг умумийлигимиз шу ерда якун топди», — деб ёзди футболчи.
Карим 2007 йилдан буён терма жамоа шарафини ҳимоя қилиб келаётган эди. Франция таркибида 97 та ўйинда майдонга тушиб, 37 та голга муаллифлик қилган. Бензема Франция билан бирга 2020/21 йилги мавсум Миллатлар Лигасида ғалаба қозонган.
35 ёшли футболчи ЖЧ—2022 да иштирок этмади. Жароҳат олгандан сўнг Дидье Дешам унга базани тарк этишини айтган. Бенземанинг фикрига кўра, мураббийнинг у билан муносабати яхши эмас. Шу сабабли ҳужумчи Қатардаги мундиалда иштирок этмади.
Изоҳ (0)