Argentina bosh murabbiyi: “Messi keyingi Jahon Chempionatida ishtirok etishni xohlasa, 10-raqamni saqlab qo‘yamiz”

Argentina bosh murabbiyi Lionel Skaloni Fransiyaga qarshi o‘yindagi g‘alabadan so‘ng (3:3, penaltilar seriyasida 4:2) o‘z fikrlarini bildirib o‘tdi.

Menimcha, biz hali ham nima bo‘lganini tushuna olmayapmiz. Bu haqiqatan ham zavqlanish uchun eng yaxshi lahzalar. Biz buning ichida yashayapmiz, yaxshi va yomon damlarni boshdan kechirdik. Bunday narsalarga ko‘nikdik. Eng yuqorida cho‘qqida bo‘lish zavq beradi.

Ko‘pchilik oilasi haqida gapiradi. Lekin men uchun... bilmadim, otam meni ko‘ryaptimi, menimcha, ha. Onam ham... Ular hech qachon ortga chekinmaslikni, doim oldinga borishni o‘rgatgan. Ana shu so‘zlar bugun o‘z isbotini topdi.

Messi keyingi mundialda ishtirok etishi haqida

Keyingi Jahon Chempionatida terma jamoada unga joy qoldiramiz. Bu qanday ma’noni anglatadi? Agar u davom etishni xohlasa, 10-raqamni saqlab qo‘yamiz. Leo Argentina terma jamoasida va umuman o‘z faoliyatida mustaqil qaror qabul qilish huquqiga ega.

Uning hech qanday alohida imtiyozlari yo‘q, balki bo‘lgandir, lekin men bilan bu narsa sodir bo‘lmadi. Unga va jamoadoshlariga murabbiylik qilsih menga yoqimli bo‘ldi. Bir inson o‘z jamoadoshlariga shunchalik ta’sir ko‘rsatishini avval ko‘rmaganman. Bu juda yaxshi.

Lionel Skaloni, Argentina bosh murabbiyi