Mbappe — 9, Messiga 8, Grizmanga 3 ball qo‘yildi. L’Equipe nashri JCH—2022 finali ishtirokchilarini baholadi

Fransiyaning L’Equipe nashri Argentina va Fransiya o‘rtasidagi JCH—2022 finalidan so‘ng futbolchilarni baholadi.

Fransiya terma jamoasi futbolchilarida ichida Kilian Mbappe eng yuqori ballni oldi. Kilian 10 balldan 9 ballga munosib ko‘rildi. Zaxiradan maydonga tushgan Markus Tyuram va Randal Kolo-Muani 7 ballga ega bo‘ldi. Kingsli Koman, Dayo Upamekano hamda darvozabon Ugo Lyorisga 6 ball qo‘yildi. Jyul Kunde, Rafael Varan va Adrien Rabyo 5 balldan jamg‘ardi. Orelyen Tchuameniga 4, Teo Ernandes va Antuan Grizmanlar 3 ball oldi.

Usmon Dembele va Olivye Jiruga ball qo‘yilmadi.

Argentina terma jamoasida Lionel Messi, Anxel di Mariya hamda Emiliano Martines 8 ball bilan yetakchilik qilmoqda. Kristian Romero, Rodrigo de Paul, Enso Fernandes va Aleksis Mak Allister — 7, Nauel Molina, Xulian Alvares va Markos Akunya — 6 ballga ega bo‘ldi. Nikolas Talyafiko 5, Nikolas Otamendi esa 4 ball bilan baholandi.

Shuningdek, L’Equipe JCH—2022 ramziy terma jamoasini tuzdi:

Darvozabon: Dominik Livakovich (Xorvatiya / “Dinamo” Zagreb);

Himoyachilar: Ashraf Hakimi (Marokash / “PSJ”), Romen Saiss (Marokash / “Beshiktosh”), Yoshko Gvardiol (Xorvatiya / “Leypsig”), Markos Akunya (Argentina / “Sevilya”);

Yarim himoyachilar: Enso Fernandes (Argentina / “Benfika”), Sofyan Amrabat (Marokash / “Fiorentina”), Luka Modrich (Xorvatiya / “Real”);

Hujumchilar: Bukayo Saka (Angliya / “Arsenal”), Lionel Messi (Argentina / “PSJ”), Kilian Mbappe (Fransiya / “PSJ”).