UzAuto Motors aksiyalarining halol ekani va qimmatli qog‘ozlarga hech ishingiz tushmagan bo‘lsa, ularni qanday sotib olish mumkinligini o‘rganib chiqamiz. Asosiysi — 22-dekabrga qadar ulgurib qolish.
Ko‘pchilik aksiya sotib olishni murakkab, uzoqqa cho‘ziladigan va professional bilimlar talab etiladigan ish deb o‘ylaydi. Aslida bunday emas. Bitim anderrayteri Freedom Broker kompaniyasi o‘z mijozlari uchun jarayonlarni soddalashtirdi va jadallashtirdi. Bundan tashqari, Freedom Broker orqali UzAuto Motors aksiyalari xarid qilinganda Chevrolet Tracker avtomobilini yutib olish ham mumkin.
1. Brokerlik hisobini oching.
Brokerlik hisobi qimmatli qog‘ozlar sotib olish va sotish uchun ishlatiladi. Ko‘pgina jarayonlar onlayn kechishi qulaylik tug‘diradi.
2. Bank o‘tkazmasi yoki Payme, “Apelsin” ilovalari orqali brokerlik hisobini to‘ldiring.
3. UzAuto Motors aksiyalarini sotib olishga topshiriq bering.
Buni Telegram-bot orqali bajarish mumkin: miqdor va taklif etilayotgan narxni ko‘rsating. Aksiya narxlari 72 500 so‘mdan 81 500 so‘mgacha oraliqda farqlanadi. IPO boshlangan kunda sotiladigan aksiyalarning bor hajmi eng yuqori narxlar taklif etgan xaridorlar o‘rtasida avtomatik ravishda taqsimlanadi.
Aksiyalarning ilk xaridi doimo qator shubha va savollar uyg‘otadi. Biz keng tarqalgan savollarga javoblarni jamladik.
UzAuto Motors aksiyalarini sotib olish halollik tamoyillariga muvofiqmi?
Ha. UzAuto Motors taqiqlangan faoliyat (taqiqlangan mahsulotlar sotish, taqiqlangan xizmatlar ko‘rsatish) bilan shug‘ullanmaydi. Bu yil kompaniya AAOIFIda shariat standartlariga muvofiqlik tekshiruvidan o‘tdi.
AAOIFI — xalqaro islomiy moliyaviy muassasalar buxgalteriya hisobi va auditi tashkiloti. U butun dunyodagi islomiy banklar va moliyaviy tashkilotlar uchun standartlar ishlab chiqadi va tasdiqlaydi. Halollik tasdig‘ini tegishli sertifikatga ega shariat auditori taqdim etdi.
Aksiya sotib olish uchun ko‘p pul kerakmi?
Yo‘q. UzAuto Motors aksiyasining minimal narxi 72 500 so‘m, maksimal narxi esa – bor-yo‘g‘i 81 500 so‘m. Bundan yuqori narxni taklif etish mumkin emas. Shu bilan birga, tahlilchilar hisob-kitoblariga ko‘ra, aksiyaning haqqoniy narxi 90 637 so‘mga teng.
Ya’ni, hozirda aksiyalar 10–25 foizlik chegirma bilan sotilmoqda.
Haqqoniy narx Freedom Broker tahlilchilari tomonidan, UzAuto Motors taqdim etgan ma’lumotlar asosida aniqlangan. Buning uchun Raiffeisen Bank va NATIXIS kabi yirik investitsiya uylari bilan konsultatsiyalar o‘tkazildi.
Broker qanday tanlanadi? U ishonchlimi?
Avvalo, broker xizmatlar ko‘rsatish uchun litsenziyaga ega ekaniga ishonch hosil qiling. Shuningdek, bu kompaniya “Toshkent” respublika fond birjasi brokerlar ro‘yxatiga kiritilganligini tekshiring.
Brokerlik hisobini to‘ldirganingizda bu pullar broker-kompaniyaning hisob raqamiga tushmaydi. Ular NBUning maxsus hisob raqamida saqlanadi va faqat mijoz uchun qimmatli qog‘ozlar xarid qilishga ishlatiladi. Shu tariqa, brokerlar ularni o‘z xohishlariga ko‘ra, o‘z ehtiyojlariga sarflay olmaydilar.
Boshqa bozorlardagi obro‘ qo‘shimcha ishonch uyg‘otadi. Masalan, bitim anderrayteri Freedom Broker kompaniyasi Standard & Poor’s korporatsiya tomonidan berilgan xalqaro kredit reytingiga ega (baho – B, prognoz – barqaror).
Endi boshlayotganlar aksiyani qanday tanlasin?
Fond bozorini tushunishda brokerlar yordam beradi. Ularning tahlilchilari daromadli qimmatli qog‘ozlarni aniqlash va mijozlarga taklif qilish ustida ishlaydi. Shu sababli, salohiyatli investitsiya konsultantini tanlash muhim.
Global Banking & Finance Review talqiniga ko‘ra, “Freedom Holding” tahlil bo‘limi Markaziy Osiyoda eng yaxshi deb topildi. Shuningdek, xolding tahlilchilarining Zoom Video va Beyond Meat aksiyalari bo‘yicha tavsiyalari Bloomberg Absolute Return Rank va Portfolio BARR Ranking kabi obro‘li reytinglarda eng aniq deya e’tirof etildi.
Boshlanishiga boshqa kompaniyalarning qimmatli qog‘ozlarini olgan yaxshiroqmi yoki UzAuto Motors aksiyalarini xarid qilgan ma’qulmi?
Shunisi ma’qul. Tahlilchilar UzAuto Motors aksiyalarini bozordagi eng jozibali aksiyalardan biri deb hisoblaydilar. Birinchidan, investorlar dividend sifatida foydaning qancha foiziga ega bo‘lishini tushunadilar. Avtoishlab chiqaruvchi buni 30 foiz etib belgiladi. O‘zbekistondagi aksariyat kompaniyalarda bu foiz belgilanmagan.
Ikkinchidan, 2023-yilda UzAuto Motors xorijiy birjaga chiqadi. Aksiyaga bo‘lgan talab va, tegishlicha, narxlar ham ko‘tariladi.
Uchinchidan, kompaniya katta salohiyatga ega – eksport bozorlar sotuvlar va foyda ko‘payishiga imkon beradi. Kompaniya mahsuloti xorijda talabgir sanaladi. Chunonchi, Qozog‘istonda UzAuto Motors avtomobillari O‘zbekistondagiga qaraganda qimmatroq sotiladi, shu bilan birga, bozorning 35 foizini egallaydi.
Chevrolet Tracker’ni qanday yutib olsa bo‘ladi?
Bunga UzAuto Motors aksiyalarini Freedom Broker orqali sotib olganda erishish mumkin. Buning uchun o‘yinda qatnashishga ariza taqdim etish va 10 mln so‘mlik aksiya sotib olish kerak. G‘olibni tasodifiy raqamlar generatori aniqlaydi.
Kutilishicha, aksiyalar xarid qilish uchun arizani faqat 22-dekabrga qadar (shu kun ham kiradi) topshirish mumkin, 23-dekabrdan esa, sotuvlar boshlanadi.
UzAuto Motors aksiyalari bo‘yicha tahlilchilar sharhi va boshqa foydali axborot bilan ipo.ffin.uz saytida tanishing.
Savollar qoldimi? 1135 telefon orqali batafsil ma’lumot oling.
Mavzuga doir:
Ma’lumotlar sheriklik huquqi asosida tayyorlandi
Izoh (0)