UzAuto Motors акцияларининг ҳалол экани ва қимматли қоғозларга ҳеч ишингиз тушмаган бўлса, уларни қандай сотиб олиш мумкинлигини ўрганиб чиқамиз. Асосийси — 22 декабрга қадар улгуриб қолиш.
Кўпчилик акция сотиб олишни мураккаб, узоққа чўзиладиган ва профессионал билимлар талаб этиладиган иш деб ўйлайди. Аслида бундай эмас. Битим андеррайтери Freedom Broker компанияси ўз мижозлари учун жараёнларни соддалаштирди ва жадаллаштирди. Бундан ташқари, Freedom Broker орқали UzAuto Motors акциялари харид қилинганда Chevrolet Tracker автомобилини ютиб олиш ҳам мумкин.
1. Брокерлик ҳисобини очинг.
Брокерлик ҳисоби қимматли қоғозлар сотиб олиш ва сотиш учун ишлатилади. Кўпгина жараёнлар онлайн кечиши қулайлик туғдиради.
2. Банк ўтказмаси ёки Payme, «Апельсин» иловалари орқали брокерлик ҳисобини тўлдиринг.
3. UzAuto Motors акцияларини сотиб олишга топшириқ беринг.
Буни Telegram-бот орқали бажариш мумкин: миқдор ва таклиф этилаётган нархни кўрсатинг. Акция нархлари 72 500 сўмдан 81 500 сўмгача оралиқда фарқланади. IPO бошланган кунда сотиладиган акцияларнинг бор ҳажми энг юқори нархлар таклиф этган харидорлар ўртасида автоматик равишда тақсимланади.
Акцияларнинг илк хариди доимо қатор шубҳа ва саволлар уйғотади. Биз кенг тарқалган саволларга жавобларни жамладик.
UzAuto Motors акцияларини сотиб олиш ҳалоллик тамойилларига мувофиқми?
Ҳа. UzAuto Motors тақиқланган фаолият (тақиқланган маҳсулотлар сотиш, тақиқланган хизматлар кўрсатиш) билан шуғулланмайди. Бу йил компания ААОИФИда шариат стандартларига мувофиқлик текширувидан ўтди.
ААОИФИ — халқаро исломий молиявий муассасалар бухгалтерия ҳисоби ва аудити ташкилоти. У бутун дунёдаги исломий банклар ва молиявий ташкилотлар учун стандартлар ишлаб чиқади ва тасдиқлайди. Ҳалоллик тасдиғини тегишли сертификатга эга шариат аудитори тақдим этди.
Акция сотиб олиш учун кўп пул керакми?
Йўқ. UzAuto Motors акциясининг минимал нархи 72 500 сўм, максимал нархи эса – бор-йўғи 81 500 сўм. Бундан юқори нархни таклиф этиш мумкин эмас. Шу билан бирга, таҳлилчилар ҳисоб-китобларига кўра, акциянинг ҳаққоний нархи 90 637 сўмга тенг.
Яъни, ҳозирда акциялар 10–25 фоизлик чегирма билан сотилмоқда.
Ҳаққоний нарх Freedom Broker таҳлилчилари томонидан, UzAuto Motors тақдим этган маълумотлар асосида аниқланган. Бунинг учун Raiffeiseн Банк ва NATIXIS каби йирик инвестиция уйлари билан консультациялар ўтказилди.
Брокер қандай танланади? У ишончлими?
Аввало, брокер хизматлар кўрсатиш учун лицензияга эга эканига ишонч ҳосил қилинг. Шунингдек, бу компания «Тошкент» республика фонд биржаси брокерлар рўйхатига киритилганлигини текширинг.
Брокерлик ҳисобини тўлдирганингизда бу пуллар брокер-компаниянинг ҳисоб рақамига тушмайди. Улар НБУнинг махсус ҳисоб рақамида сақланади ва фақат мижоз учун қимматли қоғозлар харид қилишга ишлатилади. Шу тариқа, брокерлар уларни ўз хоҳишларига кўра, ўз эҳтиёжларига сарфлай олмайдилар.
Бошқа бозорлардаги обрў қўшимча ишонч уйғотади. Масалан, битим андеррайтери Freedom Broker компанияси Standard & Poor’s корпорация томонидан берилган халқаро кредит рейтингига эга (баҳо – Б, прогноз – барқарор).
Энди бошлаётганлар акцияни қандай танласин?
Фонд бозорини тушунишда брокерлар ёрдам беради. Уларнинг таҳлилчилари даромадли қимматли қоғозларни аниқлаш ва мижозларга таклиф қилиш устида ишлайди. Шу сабабли, салоҳиятли инвестиция консултантини танлаш муҳим.
Global Banking & Finance Review талқинига кўра, «Freedom Holding» таҳлил бўлими Марказий Осиёда энг яхши деб топилди. Шунингдек, холдинг таҳлилчиларининг Zoom Video ва Beyond Meat акциялари бўйича тавсиялари Bloomberg Absolute Return Rank ва Portfolio BARR Ranking каби обрўли рейтингларда энг аниқ дея эътироф этилди.
Бошланишига бошқа компанияларнинг қимматли қоғозларини олган яхшироқми ёки UzAuto Motors акцияларини харид қилган маъқулми?
Шуниси маъқул. Таҳлилчилар UzAuto Motors акцияларини бозордаги энг жозибали акциялардан бири деб ҳисоблайдилар. Биринчидан, инвесторлар дивиденд сифатида фойданинг қанча фоизига эга бўлишини тушунадилар. Автоишлаб чиқарувчи буни 30 фоиз этиб белгилади. Ўзбекистондаги аксарият компанияларда бу фоиз белгиланмаган.
Иккинчидан, 2023 йилда UzAuto Motors хорижий биржага чиқади. Акцияга бўлган талаб ва, тегишлича, нархлар ҳам кўтарилади.
Учинчидан, компания катта салоҳиятга эга – экспорт бозорлар сотувлар ва фойда кўпайишига имкон беради. Компания маҳсулоти хорижда талабгир саналади. Чунончи, Қозоғистонда UzAuto Motors автомобиллари Ўзбекистондагига қараганда қимматроқ сотилади, шу билан бирга, бозорнинг 35 фоизини эгаллайди.
Chevrolet Tracker’ни қандай ютиб олса бўлади?
Бунга UzAuto Motors акцияларини Freedom Broker орқали сотиб олганда эришиш мумкин. Бунинг учун ўйинда қатнашишга ариза тақдим этиш ва 10 млн сўмлик акция сотиб олиш керак. Ғолибни тасодифий рақамлар генератори аниқлайди.
Кутилишича, акциялар харид қилиш учун аризани фақат 22 декабрга қадар (шу кун ҳам киради) топшириш мумкин, 23 декабрдан эса, сотувлар бошланади.
UzAuto Motors акциялари бўйича таҳлилчилар шарҳи ва бошқа фойдали ахборот билан ipo.ffin.uz сайтида танишинг.
Саволлар қолдими? 1135 телефон орқали батафсил маълумот олинг.
Мавзуга доир:
Маълумотлар шериклик ҳуқуқи асосида тайёрланди
Изоҳ (0)