Andijonda poyezd yo‘liga chiqib qolgan Damas’ni urib yubordi (foto)

Ijtimoiy tarmoqlarda Izboskan tumanida poyezd Damas avtomobilini urib yuborgani aytilgan xabar tarqaldi. Holat yuzasidan Andijon viloyati ichki ishlar boshqarmasi axborot xizmati rasmiy ma’lumot e’lon qildi.

Qayd etilishicha, 17-dekabr kuni soat 13:50 da Izboskan tumani hududidan o‘tgan “Poytug‘” temiryo‘l oralig‘i 169-kilometr 10-piketda joylashgan qo‘riqlanmaydigan temiryo‘l kesishmasida elektrovoz hamda Damas ishtirokida to‘qnashuv sodir bo‘lgan.

1988-yilda tug‘ilgan fuqaro B.Yo. boshqaruvida bo‘lgan Damas avtomashinasida temiryo‘l kesishmasidan o‘tayotgan vaqtida tuman tushgani sababli harakatlanib kelayotgan elektrovozni ko‘rmay qolgan, oqibatda uning yo‘liga chiqib yuborgan.

Hodisa oqibatida Damas haydovchisi tan jarohati olib, kasalxonaga yotqizilgan.

Mavzuga doir:

• “Afrosiyob” poyezdi Samarqandda 18 bosh qo‘yni urib yubordi
• Buxoroda ayol yuk poyezdi ostida qoldi. U o‘z joniga qasd qilgan
• Toshkent viloyatida maktab o‘quvchisi poyezd urib ketishidan halok bo‘ldi