Yevropa Ittifoqining O‘zbekistondagi elchisi Sharlotta Adrian 16-dekabr kuni “Daryo” nashri bosh muharriri Alisher Azimovga intervyu berib, Yevropaning 27 ta davlatini o‘z ichiga olgan xalqaro tashkilot va Markaziy Osiyo mintaqasi, shu jumladan, O‘zbekiston o‘rtasidagi hamkorlikning ustuvor yo‘nalishlarini muhokama qildi.
Xususan, Yevroittifoqning yuqori mansabli diplomati savdo aloqalari, bojxona boshqaruvi, xavfsizlik va boshqa sohalarga tegishli bo‘lgan Kengaytirilgan sheriklik va hamkorlik shartnomasi (EPCA) ahamiyatini qayd etdi. Bundan tashqari, uchrashuvda O‘zbekistonning chegara hamkorligini ta’minlashdagi roli muhokama etildi.
— O‘zbekiston va Yevroittifoq o‘rtasida dastlabki Kengaytirilgan sheriklik va hamkorlik shartnomasi (EPCA)ni oldindan tasdiqlash marosimi shu yilning iyulida Bryusselda bo‘lib o‘tganini hisobga olib, Yevroittifoq O‘zbekistonni strategik sherik sifatida ko‘rmoqda. Sizning fikringizcha, Yevroittifoq va O‘zbekiston o‘rtasidagi hamkorlikning ustuvor sohalari qaysilar?
— EPCA — bu kengaytirilgan sheriklik va hamkorlik shartnomasi. Ammo biz undan avval Sheriklik va hamkorlik shartnomasini (PCA) tuzgandik; biz O‘zbekiston bilan anchadan buyon ishlayapmiz va hamkorlik qilyapmiz. Bu shartnoma kuchaytiradigan narsa shuki, biz yanada kengroq doiradagi sohalarga ko‘proq e’tibor berishni boshlaymiz. Ammo biz dastlab shartnomani imzolashimiz kerak bo‘ladi. Muayyan normativ standartlar ustida ko‘proq muzokaralar va ishlar bo‘aldi, va bu faqat EPCA bilan chegaralanmaydi. Biz O‘zbekiston bilan allaqachon amalga oshirayotgan narsa hamkorligimiz uchun sohalarni tayyorlashdan iborat. Lekin shu bilan birga, bizda siyosiy munozara ham bo‘ladi. Chunki bu, ehtimol, biz allaqachon ish olib borayotgan umumiy doiralar, masalan, 2019-yilda qabul qilingan Markaziy Osiyo bo‘yicha Yevroittifoq strategiyasidan kelib chiqadi.
— Sizning fikringizcha, O‘zbekistonning Markaziy Osiyo mintaqasidagi roli qanaqa, shu jumladan, Yevroittifoq-O‘zbekiston iqtisodiy munosabatlari nuqtayi nazaridan olib qaraganda?
— Biz O‘zbekistonga Markaziy Osiyoning bir qismi sifatida qaraymiz. Markaziy Osiyo bilan ishlash jarayonida esa, bizning fikrimizcha, mintaqaning gullab-yashnashiga, barqarorligiga, masalan, iqtisodiy rivojlanishiga, suv manbalarini boshqarish masalalariga va energetika sektoriga ta’sir qilishi mumkin bo‘lgan muayyan sohalarga e’tiborimizni qaratamiz.
Biz Samarqanddagi o‘zaro bog‘liqlik bo‘yicha konferensiyada ko‘tarilgan masalalarni va raqamlashtirishni kiritdik. Barqarorlik va gullab-yashnashdan tashqari, strategiyaning uchinchi bandi mintaqaviy hamkorlik hisoblanadi. O‘zbekistonning Markaziy Osiyodagi roli muhim, chunki biz O‘zbekistonni Markaziy Osiyoda ko‘proq ta’sir, yanada ko‘proq hamkorlik va mintaqaviy hamkorlik olib borish uchun o‘ziga xos lokomotiv sifatida ko‘ramiz. Shuning uchun ham men so‘nggi bir necha yillardan buyon islohotlarni qo‘llab-quvvatlashimiz haqida aytib kelaman.
O‘zbekiston esa chegaralarda nizolar bo‘lmasligi, balki ko‘proq transchegaraviy hamkorlik bo‘lishini nazorat qilib kelmoqda. Bu esa biz muhim deb biladigan narsadir. Biz barcha qo‘shnilar bilan ahillik siyosatini qo‘llab-quvvatlashdan juda mamnunmiz. 10 yil avval men Tojikistonda bo‘lgandim, o‘sha vaqtda chegarani kesib o‘tish juda qiyin edi. Bu ham ijobiy o‘zgarishlardan biri. Va bu biz qilayotgan narsalar hamdir.
Dasturlarimiz yordamida biz mintaqaviy hamkorlikni qo‘llab-quvvatlashga intilamiz, masala, chegaralarni boshqarish yoki suv resurslari sohasida, bular O‘zbekiston va Markaziy Osiyo mintaqasining boshqa mamlakatlari qarshisida turgan muammolardan ba’zilaridir.
Shuningdek, uchrashuvda Yevroittifoq o‘zining xalqaro hamkorligida doim mustahkam sheriklik aloqalarini o‘rnatishga intilib kelgani ta’kidlandi. Shu sababli YI ko‘p yillik Yevroittifoq—O‘zbekiston rejasini qabul qildi, u amalga oshiriladigan dastlabki to‘rt yil davomida O‘zbekistonga 74 million yevro hajmida investitsiyalar kiritilishi ko‘zda turilgan. O‘z investitsiyalari bilan Yevroittifoq O‘zbekiston hukumati 2017-yildan boshlab amalga oshirayotgan islohotlarni qo‘llab-quvvatlaydi, dedi Yevroittifoq delgatsiyasi.
Izoh (0)