Туркманистоннинг кўплаб фуқаролари чипталар қимматлиги туфайли Россиядан Ўзбекистон орқали уйига қайтишни афзал кўрмоқда. Бу ҳақда Turkmennews хабар берди.
Россиянинг S7 компанияси Москвадан Туркманбошига ҳафтасига икки марта учади. Чипталар 20-30 минг рубль (310-470 доллар) туради, бу мавжуд ягона тўғридан-тўғри рейс ҳисобланади. Туркманистон авиаташувчисининг чипталари на агрегатор хизматларида, на расмий веб-сайтда мавжуд. Авиакомпаниянинг Ашхободдаги марказий кассаси Россиядан Туркманистонга чипта сотмаслигини айтган.
Номаълум сабабларга кўра билетни фақат Россияда сотиб олиш мумкин. Авиакомпаниянинг Москвадаги Домодедово аэропортидаги офиси январь ойига бир томонлама чипта нархи тахминан 30 минг рубль (466 доллар) бўлишини маълум қилган.
Таққослаш учун, Ўзбекистоннинг Урганч шаҳрига Москвадан 2022 йил декабрида 13446 минг рубль (209 доллар), 2023 йилнинг январида – 8441 рубль (131 доллари) га учиш мумкин. Агар ҳозир февраль ойига чипта буюртма қилинса, нархи 6718 рубль (104 доллар)га тушади. Бухорога чипталар нархи 9 мингдан 19 минггача (139-295 доллар) баҳоланган. Урганч ва Бухородан Туркманистонга такси билан бориш мумкин. Бу йўловчиларга анча арзонга тушиши мумкин.
«Нархлар билан танишган Туркманистон фуқароларининг кўпчилиги Ўзбекистон орқали уйларига боришни афзал кўришса ажаб эмас», дейилади хабарда.
Ашхободдан Москвага бир томонлама чипта нархи 6682 манат, бозор курси бўйича тахминан 350 доллар. Туркманистонда бу учта ўртача иш ҳақига тенгдир.
Изоҳ (0)