Toshkentning Olmazor tumanida yo‘lovchi tashuvchi “Gazel” Damas bilan to‘qnashib, ag‘darildi.
Poytaxt YHXB matbuot xizmati bergan ma’lumotga ko‘ra, voqea 16-dekabr kuni soat 06:30 larda Toshkent xalqa avtomobil yo‘li Zamona to‘yxonasi qarshisida yuz bergan. 1983-yilda tug‘ilgan U.U. boshqaruvidagi yo‘lovchi tashuvchi “Gazel” 1995-yilda tug‘ilgan A.E. boshqaruvidagi Damas bilan to‘qnashib, ag‘darilgan.
Oqibatda tan jarohati olgan Damas haydovchisi shifoxonaga murojaat qilgan. Transport vositalarida yo‘lovchilar bo‘lmagan.
Holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.
Izoh (0)