Toshkent viloyatidagi tashlandiq binoda yong‘in yuz berdi (video)

Toshkent viloyati Yangiyo‘l tumanida 15-dekabr kuni tashlandiq binoda yong‘in sodir bo‘ldi. Bu haqda tuman hokimligi axborot xizmati xabar bermoqda.

Qayd etilishicha, tungi soat 23:49 da Yangiyo‘l tumani FVB navbatchi dispetcheriga “Saxovat” MFY Ziyoli ko‘chasida joylashgan qishloq xo‘jaligiga tegishli eski tashlandiq binoda yong‘in sodir bo‘lgani haqida xabar kelib tushgan.

Yong‘in joyiga tuman FVBning yong‘in o‘chirish bo‘linmalari 23:56 da yetib borgan va yordamga 1 ta vodavoz va 2 ta yong‘in o‘chirish bo‘linmasi chiqqan. Yong‘in oqibatida tuman hokimiyati hisobiga 2020-yil o‘tgan eski binoning 80 kvadrat metr maydonda tom shifti yonib zararlangan, fuqarolarda kuyish va tan jarohati olish holatlari bo‘lmagan.

Yong‘in kelib chiqishiga elektr simlarining eskirib ketgani hamda namlik darajasi yuqori bo‘lgani natijasida qisqa tutashuv kelib chiqqani sabab sifatida keltirilgan.

Mavzuga doir:

• Toshkentda elektr uzatish tarmog‘ida yuklama ortib ketishi natijasida yong‘in chiqdi
• Andijondagi xonadonda yong‘in yuz berib, bir kishi voqea joyida halok bo‘ldi
• Toshkentdagi “Ilhom” teatrida yong‘in yuz berdi