Тошкентнинг Олмазор туманида йўловчи ташувчи «Газель» Damas билан тўқнашиб, ағдарилди.
Пойтахт ЙҲХБ матбуот хизмати берган маълумотга кўра, воқеа 16 декабрь куни соат 06:30 ларда Тошкент халқа автомобиль йўли Замона тўйхонаси қаршисида юз берган. 1983 йилда туғилган У.У. бошқарувидаги йўловчи ташувчи «Газель» 1995 йилда туғилган А.Э. бошқарувидаги Damas билан тўқнашиб, ағдарилган.
Оқибатда тан жароҳати олган Damas ҳайдовчиси шифохонага мурожаат қилган. Транспорт воситаларида йўловчилар бўлмаган.
Ҳолат юзасидан Тошкент шаҳар ИИББ ЙҲХБ томонидан суриштирув ишлари амалга оширилмоқда.
Изоҳ (0)