Maydoni 10 gektarga yaqin Respublika ixtisoslashtirilgan onkologiya va radiologiya ilmiy-amaliy markazining 281,7 milliard so‘m;
2,68 gektarli Toshkent viloyati onkologiya kasalliklari shifoxonasining bino va inshootlari 92 milliard so‘m;
maydoni 4,64 gektar bo‘lgan Toshkent shahar onkologiya kasalliklari shifoxonasining bino va inshootlari 160,4 milliard so‘m boshlang‘ich narx bilan sotuvga qo‘yilgandi.
Onkologiya markazi va uning filiallarining sotuvga qo‘yilishi keng jamoatchilikning e’tirozlari va muhokamalarga sabab bo‘lgan edi.
Bugun, 18-dekabr kuni Respublika onkologiya markazining Toshkent shahri va Toshkent viloyati filiallari muayyan muddatga sotuvdan olingani haqida xabarlar tarqaldi.
Unda Respublika onkologiya markazi binosi sotuvda, markaz yangi qurilayotgan onkologiya kompleksiga ko‘chib o‘tishi aytilgan.
Tarqalgan ma’lumotni bosh vazirining matbuot xizmati xodimi Bekzod Hidoyatov tasdiqladi.
Auksionda turibdi
Shayxontohur tumanida 1990-yilda qurilgan Respublika ixtisoslashtirilgan onkologiya va radiologiya ilmiy-amaliy tibbiyot markazining bino va inshootlari 281,8 mlrd so‘mga auksionga qo‘yilgan.
Vazirlik uchun keraksiz!
“Daryo” nashri Onkologik shifoxonalar va viloyatlardagi ahvol haqida surishtiruv o‘tkazgan edi. Unda sog‘liqni saqlash vazirining birinchi o‘rinbosari Amrillo Inoyatovning uchala yer ham vazirlik uchun keraksiz ekanligini aytib o‘tgandi.
“Tibbiyot davlatning aravasida. Agar ertaga ehtiyoj bo‘ladigan bo‘lsa, yer ko‘p. Davlat ajratib beraveradi. Yaqin 50 yillik strategiyamiz bor. Bu strategiyada 500—2000 o‘rinli bo‘lgan mana shunday tibbiy transferlar tashkil qiladigan bo‘lsa, yaqin 50 yilda bizga ortiqcha yer kerak emas. 2030-yilga borib aholi 45 millionga chiqadi, 40-yilga borib 50 milliondan oshamiz. Mana shu 20-30 yillik aniq strategiyamiz bor. Shuning uchun bizga ortiqcha yer kerak bo‘lmaydi”, — degan edi vazirning birinchi o‘rinbosari.
Izoh (0)