Майдони 10 гектарга яқин Республика ихтисослаштирилган онкология ва радиология илмий-амалий марказининг 281,7 миллиард сўм;
2,68 гектарли Тошкент вилояти онкология касалликлари шифохонасининг бино ва иншоотлари 92 миллиард сўм;
майдони 4,64 гектар бўлган Тошкент шаҳар онкология касалликлари шифохонасининг бино ва иншоотлари 160,4 миллиард сўм бошланғич нарх билан сотувга қўйилганди.
Онкология маркази ва унинг филиалларининг сотувга қўйилиши кенг жамоатчиликнинг эътирозлари ва муҳокамаларга сабаб бўлган эди.
Бугун, 18 декабрь куни Республика онкология марказининг Тошкент шаҳри ва Тошкент вилояти филиаллари муайян муддатга сотувдан олингани ҳақида хабарлар тарқалди.
Унда Республика онкология маркази биноси сотувда, марказ янги қурилаётган онкология комплексига кўчиб ўтиши айтилган.
Тарқалган маълумотни бош вазирининг матбуот хизмати ходими Бекзод Ҳидоятов тасдиқлади.
Аукционда турибди
Шайхонтоҳур туманида 1990 йилда қурилган Республика ихтисослаштирилган онкология ва радиология илмий-амалий тиббиёт марказининг бино ва иншоотлари 281,8 млрд сўмга аукционга қўйилган.
Вазирлик учун кераксиз!
«Дарё» нашри Онкологик шифохоналар ва вилоятлардаги аҳвол ҳақида суриштирув ўтказган эди. Унда соғлиқни сақлаш вазирининг биринчи ўринбосари Амрилло Иноятовнинг учала ер ҳам вазирлик учун кераксиз эканлигини айтиб ўтганди.
«Тиббиёт давлатнинг аравасида. Агар эртага эҳтиёж бўладиган бўлса, ер кўп. Давлат ажратиб бераверади. Яқин 50 йиллик стратегиямиз бор. Бу стратегияда 500—2000 ўринли бўлган мана шундай тиббий трансферлар ташкил қиладиган бўлса, яқин 50 йилда бизга ортиқча ер керак эмас. 2030 йилга бориб аҳоли 45 миллионга чиқади, 40 йилга бориб 50 миллиондан ошамиз. Мана шу 20-30 йиллик аниқ стратегиямиз бор. Шунинг учун бизга ортиқча ер керак бўлмайди», — деган эди вазирнинг биринчи ўринбосари.
Изоҳ (0)