“Real” jamoasi “Palmeyras”ning 16 yoshli futbolchisi Endrik bilan kelishuvga erishganini ma’lum qildi.
Endrik 2024-yil iyul oyida madridliklar safiga qo‘shiladi. Braziliyalik “qaymoqranglilar” bilan necha yillik shartnoma imzolagani ochiqlanmagan. Fabrisio Romanoning xabariga ko‘ra, bitim 2027-yilgacha imzolangan va uni yana 3 yilga uzaytirish huquqi ham kiritilgan.
Madridliklar 16 yoshli futbolchi uchun 60 million yevro to‘lab berishi ma’lum qilingan. U “Palmeyras”da faoliyatini davom ettiraveradi.
2022-yilda Endrik Braziliya oliy ligasida 7 o‘yinda ishtirok etib, 3 ta golga mualliflik qilgan.
Izoh (0)