Bremen musikachilari muz ustida – oilaviy tomosha uchun mo‘ljallangan muz ustidagi shou. Tomosha tayyorgarlik darajasi va maxsus effektlar bo‘yicha bu kabi shou dasturlar bilan bemalol raqobatlasha oladi. Shou 7—8-yanvar kunlari Toshkentdagi Humo Arena muz majmuasida bo‘lib o‘tadi.
Tashkilotchi – O‘zbekistonda madaniyat va sport sohasida yirik loyihalarni tashkil etish bo‘yicha barcha turdagi xizmatlarni taqdim etuvchi yirik Art Uz Promotion Agency kompaniyasi. Kompaniya Eteri Tutberidzening “Muz ustidagi chempionlar” shousi va “Haqiqiy Qarsildoq” musiqiy spektakli kabi katta loyihalarni tashkillashtirgan va amalga oshirgan.
Oldinda – uzoq kutilgan Yangi yil bayramlari, bu esa haqiqiy mo‘jizalar davri yaqinligidan dalolat. Yaqin fursatlarda barcha sevgan taniqli ertak qahramonlari konkida tomosha ko‘rsatishadi! Tomoshabinlar sehrli halqalar bilan jonglyorlik qilayotgan it; muz maydoni uzra uchib, akrobatik mahorat ko‘rsatayotgan xo‘roz; muz ustida sehrli fokuslarni amalga oshiradigan mushuk; to‘g‘ridan to‘g‘ri muz maydonidan malikani o‘g‘irlab, hayratda qolgan tomoshabinlar ko‘z o‘ngida u bilan parvozga ko‘tarilgan ayg‘oqchi kabi qahramonlar bilan tanishadilar!
Jozibador sahna manzarasi va figurali uchish bo‘yicha g‘aroyib chiqishlar bilan tomoshabinni hayajonga soladigan bu tomosha o‘zgacha zavqli, maroqli.
Bunda bolalarning sevimli ertak qahramonlari yangi zamonaviy qiyofada chiqish bilangina chegaralanishmaydi. Ularning rollarini sayyoradagi eng nomdor va ko‘plab mukofotlar sovrindorlari bo‘lgan figurali uchuvchilar, muz maydonining mashhur ustalari ijro etadilar. Ular orasida jahon chempioni, tarixdagi ilk yakka holda konkida uchuvchi yetti karra Yevropa chempioni, Olimpiada o‘yinlarining kumush va bronza medallari sovrindori Irina Sluskaya, shuningdek rossiyalik figurali uchuvchi, Rossiya va Yevropa chempioni Alena Kostornaya bor.
Trubadur serenadasi, malika va qirolning qo‘shig‘i, shubhasiz, ota-onalarga bolalik davrlarini eslatadi. Bu muz ertagini yaratish davomida qo‘llanilgan zamonaviy texnologiyalar esa albatta ularning farzandlari – tinib-tinchimas kichkintoylaru yuqori sinf o‘quvchilarigacha bo‘lgan tomoshabinni o‘ziga rom qiladi. Sahna manzarasi bezaklaridan tashqari shouda noyob 3D mepping texnologiyasidan ham foydalaniladi. Bu esa videoproyeksiya butun muz maydonini qirol saroyiga va bepoyon gulzorga aylantira oladi, deganidir. Ertakdagi muhit turg‘un sahnadagi tomosha doirasidan chiqadi va tom ma’noda jonlanadi!
Katta namoyish ekrani tomoshabinni ertakning sirli olamiga to‘liq olib kirish uchun xizmat qiladi, unda shou qahramonlari yirik planda namoyish etiladi.
Qo‘shiqlar uchun aranjirovkani skripkachilar o‘rtasidagi jahon tanlovi g‘olibi, Yevgeniy Plyushenkoning Olimpiadada oltin medalga sazovor bo‘lgan dasturlari muallifi, Emmi mukofoti sovrindori, Yevrovideniye 2008 tanlovidagi g‘olib Rossiya jamoasi a’zosi, bastakor Edvin Marton yozgan.
Ertak qahramonlari rus estradasi yulduzlarining ovozi bilan gapirishadi va kuylashadi. Qirol va qaroqchilar to‘dasining ayol sardoriga Comedy Club’ning beqiyos rezidenti Aleksandr Revva ovoz bergan. Trubadur qo‘shiqlarini Rossiyadagi eng mashhur estrada xonandalaridan biri, Yevrovideniye 2008 g‘olibi Dima Bilan ijro etadi.
Tomoshalar 7-8-yanvar kunlari 11:00, 14:00 va 17:00 da Xumo Arena muz majmuasida bo‘lib o‘tadi.
Diqqat! 31-dekabrga qadar chiptalar uchun yangi yil chegirmalari amal qiladi, 1-yanvardan chiptalar narxi 15 foizga oshadi.
Chiptalarni shahar kassalaridan va myticket.uz saytidan xarid qilishingiz mumkin.
Batafsil ma’lumotlar uchun telefon: +998 95 169 87 87
Reklama huquqi asosida.
Izoh (0)