Fransiya terma jamoasi bosh murabbiyi Didye Desham Marokashga qarshi o‘yindan so‘ng (2:0) o‘z fikrlarini bildirib o‘tdi.
“Ochig‘i, juda muhim o‘yin bo‘ldi. Endi so‘nggisi qoldi. Futbolchilar bilan bir oydan buyon birgamiz. Bu shunchaki oson emas. Ammo muvaffaqiyat futbolchilarim, jamoam uchun hamma narsani to‘ldiradi. Yakshanba kuni chempionlik uchun kurashamiz.
Lahzani chinakam qadrlash va zavqlanish uchun kun davomida har bir daqiqada foydalanish lozim. To‘rt kundan so‘ng hal qiluvchi bahsda ishtirok etamiz.
Biz hozirgi lahzadan zavqlanyapmiz va ushbu mundialdagi so‘nggi o‘yinga tayyorgarlik ko‘rmoqdamiz”.
Argentina haqida
“Bu jamoada ajoyib futbolchi bor va u Messi. Bizni katta jang kutib turibdi. Argentina tajovuzkor jamoa, ammo bu yaxshi ma’nodagi tajovuzkorlik”.
Messi uchun so‘nggi Jahon Chempionati bo‘lishi haqida
“Leo sovrin yutmasligi uchun hamma narsani qilamiz. Faqatgina bitta jamoa uchinchi yulduzni olishi mumkin (har ikkala terma jamoa ham 2 martadan Jahon Chempionatida zafar quchgan).
Messi turnir boshidan buyon ajoyib o‘yin namoyish etib kelmoqda. To‘rt yil oldin hammasi boshqacha edi. U o‘yinni biz kutmagan pozitsiyada boshladi va hujumchi sifatida yakunladi. Hozir ularda hujumchi bor, Messida esa ko‘proq erkinlik mavjud. U to‘p bilan tez-tez muomala qilmoqda va hozirda ajoyib formada.
Messi — dunyoning eng yaxshisi yoki eng yaxshilaridan biri. Uning o‘yinga ta’sirini kamaytirishga harakat qilamiz. Ular ham bizning bir nechta futbolchimizni yopishga urinadi. Bu to‘rt yil oldin bizga qarshi o‘ynagan Argentina emas”.
Didye Desham, Fransiya terma jamoasi bosh murabbiyi
Fransiya terma jamoasi 18-dekabr kuni JCH—2022 finalida Argentina bilan bahs olib boradi.
Izoh (0)