Франция терма жамоаси бош мураббийи Дидье Дешам Марокашга қарши ўйиндан сўнг (2:0) ўз фикрларини билдириб ўтди.
«Очиғи, жуда муҳим ўйин бўлди. Энди сўнггиси қолди. Футболчилар билан бир ойдан буён биргамиз. Бу шунчаки осон эмас. Аммо муваффақият футболчиларим, жамоам учун ҳамма нарсани тўлдиради. Якшанба куни чемпионлик учун курашамиз.
Лаҳзани чинакам қадрлаш ва завқланиш учун кун давомида ҳар бир дақиқада фойдаланиш лозим. Тўрт кундан сўнг ҳал қилувчи баҳсда иштирок этамиз.
Биз ҳозирги лаҳзадан завқланяпмиз ва ушбу мундиалдаги сўнгги ўйинга тайёргарлик кўрмоқдамиз».
Аргентина ҳақида
«Бу жамоада ажойиб футболчи бор ва у Месси. Бизни катта жанг кутиб турибди. Аргентина тажовузкор жамоа, аммо бу яхши маънодаги тажовузкорлик».
Месси учун сўнгги Жаҳон Чемпионати бўлиши ҳақида
«Лео соврин ютмаслиги учун ҳамма нарсани қиламиз. Фақатгина битта жамоа учинчи юлдузни олиши мумкин (ҳар иккала терма жамоа ҳам 2 мартадан Жаҳон Чемпионатида зафар қучган).
Месси турнир бошидан буён ажойиб ўйин намойиш этиб келмоқда. Тўрт йил олдин ҳаммаси бошқача эди. У ўйинни биз кутмаган позицияда бошлади ва ҳужумчи сифатида якунлади. Ҳозир уларда ҳужумчи бор, Мессида эса кўпроқ эркинлик мавжуд. У тўп билан тез-тез муомала қилмоқда ва ҳозирда ажойиб формада.
Месси — дунёнинг энг яхшиси ёки энг яхшиларидан бири. Унинг ўйинга таъсирини камайтиришга ҳаракат қиламиз. Улар ҳам бизнинг бир нечта футболчимизни ёпишга уринади. Бу тўрт йил олдин бизга қарши ўйнаган Аргентина эмас».
Дидье Дешам, Франция терма жамоаси бош мураббийи
Франция терма жамоаси 18 декабрь куни ЖЧ—2022 финалида Аргентина билан баҳс олиб боради.
Изоҳ (0)