“Gaz ittifoqini yaratish g‘oyasida hech qanday geosiyosiy o‘yin yo‘q” — Lavrov (video)

Rossiya tashqi ishlar vaziri Qozog‘iston va O‘zbekiston bilan “gaz ittifoqi”ni yaratish g‘oyasida hech qanday geosiyosiy o‘yin yo‘qligini ma‘lum qildi. Bu haqda “RIA Novosti” xabar berdi.

“Hozirda Rossiya, Qozog‘iston va O‘zbekiston o‘rtasida uch tomonlama gaz loyihasini shakllantirish tashabbusi muhokama qilinmoqda. Tahlilchilar, ayniqsa G‘arbda, bu qandaydir siyosiy yoki geosiyosiy ‘o‘yin’ ekani aytdi. Bu yerda hech qanday ‘o‘yin‘ yo‘q”, — dedi Lavrov.

Siyosatchining ta‘kidlashicha, Rossiya, Qozog‘iston va O‘zbekiston umumiy gaz uzatish tizimiga ega qo‘shni davlatlar bo‘lib, ular mavsumiy iste’molning eng yuqori cho‘qqilarini hisobga olgan holda gaz ta’minotida uzilishlar bo‘lmasligidan manfaatdor.

“Kuni kecha O‘zbekistonda to‘satdan elektr energiyasi tanqisligi yuzaga kelgani haqidagi xabarni o‘qidim. Bu siyosiylashtirmasdan, mafkuraviylikka yo‘l qo‘ymasdan, amaliy masalalarni fuqarolarimiz manfaati yo‘lida hal etishda bizning afzalliklarimizdan foydalanish kerakligiga aniq bir misol”, — deya qo‘shimcha qildi u.

Mavzuga doir: “O‘zbekiston va Rossiya o‘rtasidagi gaz kelishuvida siyosiy shartlar yo‘q” — Peskov vazir Mirzamahmudovning so‘zlarini tasdiqladi