Лувр музейидаги кенг миқёсли «Ўзбекистон воҳаларининг мўъжизалари. Карвон йўллари чорраҳасида» номли кўргазма доирасида «El Viso Ediciones» нашриёт уйи билан ҳамкорликда Рокко Ранте ва Янник Линтз умумий муҳаррирлиги ҳамда Моник Бурези кўмагида суратларга бой француз ва ўзбек тилларида каталог чоп этилди. Бу ҳақда Маданий мерос агентлиги хабар бермоқда.
Каталогга 37 нафар таниқли маҳаллий ва хорижий олимнинг қадимий маданий археологик ёдгорликлар, маданий қадриятлар ҳамда милоддан аввалги III асрдан тортиб то Темурийлар давригача бўлган тарихга тааллуқли 60 дан ортиқ илмий мақоласи киритилди.
Тадқиқотли мақолаларда замонавий Ўзбекистон ҳудудида мавжуд бўлган тамаддунлар ҳаётида тижорий ва маданий алмашинувларнинг аҳамияти ва тутган ўрнига оид тафсилотлар очиб берилган.
Ўзбек тилидаги матнлар устида мамлакатнинг фан, маданият, санъат, археология, тарих ва тилшунослик соҳаси вакиллари – М. Абдуллаев, Б. Абдуҳалимов, А. Бозорбоев, Ж. Илёсов, Ш. Миноваров, Ж. Остонов, Ш. Пидаев, Э. Ртвеладзе, Х. Файзиев ва бошқалар меҳнат қилди.
Мавзуга доир:
- Тўрт йиллик меҳнат маҳсули. Парижда Ўзбекистон тарихи ва маданиятига бағишланган кўргазмаларга қандай тайёргарлик кўрилди?
- «Французлар Европа ташқарисида ҳам маданият мавжудлигига амин бўлди». Луврдаги Ўзбекистон маданий меросига бағишланган кўргазма хорижий ОАВ нигоҳида
- Париждаги Ўзбекистон кўргазмасини томоша қилиш учун турнақатор навбат юзага келди (фото)
Изоҳ (0)