Markaziy bank tomonidan “Bank tizimida kiberxavfsizlik hodisalarining oldini olishga qaratilgan tezkor ogohlantirish axborot tizimi” ishga tushirildi.
Veb-sayt faoliyati to‘lov tizimi operatorlari, kredit va to‘lov tashkilotlarining muhim axborot infratuzilmasi obyektlarida aniqlangan kibertahdidlar hamda bank tizimida kiberxavfsizlik insidentlarini oldini olish to‘g‘risida ogohlantirishlar berib borish maqsadida amalga oshirilgan.
Markaziy bank “CERT-CBU” kiberxavfsizlik markazining “cert.cbu.uz” veb-sayti quyidagi bo‘limlardan iborat:
- Insident haqida xabar berish — bank sohasida kuzatilgan kiberxavfsizlik insidentlari to‘g‘risida Markaziy bank “CERT-CBU” kiberxavfsizlik markaziga xabar berish;
- Yangiliklar — kiberxavfsizlik sohasidagi muhim yangiliklar to‘g‘risida maqolalar, jahonda kuzatilayotgan kiberxavfsizlik insidentlari to‘g‘risidagi ma’lumotlar;
- Bilimlar bazasi — kiberxavfsizlik sohasiga oid atamalarni o‘z ichiga olgan lug‘at, kiberxavfsizlikni ta’minlash bo‘yicha foydali ma’lumotlar, O‘zbekistondagi to‘lov tizimi operatorlari, kredit va to‘lov tashkilotlarining nomi va savdo belgisi bilan ochilgan soxta havolalarni tekshirish.
Avvalroq Markaziy bank nizolarni sudgacha hal qilish bo‘yicha yangi kengashni ishga tushirgandi.
Izoh (0)