Buyuk Britaniya Mudofaa vazirligi Ukrainadagi jangovar harakatlar hududidagi vaziyat bo‘yicha e’lon qilgan sharhida Rossiya qo‘shinlari o‘zlari nazorat qilayotgan Lugansk viloyatida istehkomlar tizimini yaratish bo‘yicha ishlarni yakunlaganini ma’lum qildi.
Britaniya harbiylari ma’lumotlariga ko‘ra, Lugansk viloyatining Svatovo shahri va Rossiya chegarasi o‘rtasidagi 60 kilometrlik handaqlar tizimi haqida bormoqda. Hayratlanarli darajadagi uzunligidan tashqari, tizimning chuqurligi va uning mudofaa xusisyatlari hozircha noma’lum.
Svatovo hududiga Rossiyaning 1-elita gvardiya tank armiyasi qismlari ham joylashtirilgan. Taxminlarga ko‘ra, ushbu tank armiyasi urush chog‘ida, shu jumladan, sentabrda Xarkov viloyatidan chekinish chog‘ida og‘ir talafotlarni boshidan kechirgan bo‘lishi mumkin. Ayni paytda esa, Britaniya Mudofaa vazirligi fikricha, u safarbar qilinganlar hisobiga qisman kuchaytirilgan, ammo 1-gvardiya tank armiyasi shaxsiy tarkibi ustav bilan belgilan 25 ming kishidan hamon ancha kam bo‘lib qolmoqda.
Lugansk viloyatida ko‘rilgan mudofaa choralari qanchalik samarali bo‘lishi ko‘p jihatdan Rossiya qo‘mondonligi qismlar va front ortidan ko‘mak o‘rtasidagi aloqani qanchalik yo‘lga qo‘ya olishiga bog‘liq bo‘ladi, deya qayd etmoqda sharh mualliflari.
Izoh (0)