Agar sizga yutuq haqida xabar kelgan bo‘lsayu, uni olish uchun havolaga o‘tish va kartangiz ma’lumotlarini kiritish kifoya bo‘lsa, nima qilish kerak? Nega siz tanimagan odamlar tomonidan pochta yoki messenjerlarda yuborilgan havolalarga kirmaslik kerak? Bu haqda “Kapitalbank” ATB xavfsizlik bo‘yicha ekspertlari ma’lumot beradi.
Aslida mavjud bo‘lmagan yutuq
Firibgarlarning mashhur hiylalaridan biri bu go‘yoki turli kompaniyalar tomonidan o‘tkazilayotgan tanlovlar yoki lotereyalardagi yutuqlar haqidagi xabarlar. Shu bilan birga, yutuqni olish uchun zarur bo‘lgan yagona narsa - xabardagi havolaga o‘tish va go‘yoki yutilgan summa tushadigan karta ma’lumotlarini kiritish.
Bunday xabarlar SMS shaklida ham, mashhur messenjerlarda ham kelishi mumkin. U yerda hatto qabul qiluvchining ismi ham to‘g‘ri ko‘rsatilishi mumkin — firibgarlar uni mashhur xizmatlarning (masalan, Facebook) ma’lumotlar bazalariga kirish orqali o‘rnatishlari mumkin, Telegram akkaunti egasining ismini topish esa u qadar qiyinchilik tug‘dirmaydi, chunki ko‘pincha u to‘g‘ridan to‘g‘ri profilda ko‘rsatilgan bo‘ladi.
Lekin xabarda yozilgan tanlov haqiqatan ham mavjud emasligini qanday tekshirish mumkin? Barcha kompaniyalar tanlovlar, aksiyalar, yutuqli o‘yinlar va ularning g‘oliblari haqidagi ma’lumotlarni o‘z saytlari va ijtimoiy tarmoqlardagi sahifalarida e’lon qiladi. Xabardagi havolaga kirishdan oldin, tanlov haqiqatan ham o‘tkazilganligini tekshirishingiz kerak. Buning uchun saytga yoki kompaniyaning ijtimoiy tarmoqlardagi rasmiy sahifalariga o‘tish mumkin, agar biron sababga ko‘ra buning iloji bo‘lmasa, qo‘llab-quvvatlash xizmatiga qo‘ng‘iroq qilish zarur. Bu bir necha daqiqa vaqt oladi, lekin bu asablarni va pullarni xavfsiz saqlashga yordam beradi.
Soxta saytlar
Tanlov haqidagi ma’lumotlar ko‘rsatilgan sahifaga yo‘naltiruvchi havola siz olgan xabarda bo‘lsa ham, unga kirmagan ma’qul. Brauzer yoki ijtimoiy tarmoq ilovasiga o‘ting va ma’lumotni u yerda qidiring - bu bilan siz jinoyatchilar tomonidan yaratilgan nusxalar emas, balki sizning oldingizda haqiqiy sayt yoki sahifa turganligiga ishonch hosil qilasiz.
Jinoyatchilar tomonidan qo‘llaniladigan mashhur tuzoqlardan biri - bu mashhur resurslarning nusxa-saytlarini yaratishdir. Banklarning ilovalari va sahifalari, do‘konlarning to‘lov shakllari qanday ko‘rinishi hammaga ma’lum - usta ishlab chiquvchilar uchun ularning nusxasini yaratish qiyinchilik tug‘dirmaydi. Shu bilan birga, bir qarashda, bunday sayt haqiqiydan deyarli farq qilmaydi: o‘sha ranglar, o‘sha logotip. Soxtalashtirib bo‘lmaydigan yagona narsa - bu brauzer qatoridagi sayt manzili. Doimo uni tekshirib ko‘ring: agar brauzerdagi bank yoki do‘kon sayti nomida xatolik bo‘lsa, harflardan biri raqam bilan almashtirilsa yoki, masalan, domen sayt nomiga kiritilgan bo‘lsa, bilingki, qarshingizda soxta sayt turibdi.
- Internetda bank resurslaridan nusxa ko‘chiruvchi saytlar paydo bo‘lishini tezkorlik bilan kuzatib boramiz, ularni tezkorlik bilan bloklash maqsadida ular haqidagi ma’lumotlarni IIV tuzilmalariga yuboramiz”, — deya ta’kidlaydi “Kapitalbank” xavfsizlik xizmati xodimlari. - Agar bunday resursni aniqlasangiz, iltimos, bu haqda bankning qo‘llab-quvvatlash xizmatiga xabar bering va hech qanday holatda bunday resurslarga karta ma’lumotlarini kiritmang - jinoyatchilar bu orqali kartaga va unda saqlanayotgan barcha pullarga kirish imkoniyatini qo‘lga kiritadi.
Shuni yodda tutish kerakki, kartaga pul o‘tkazish uchun faqat uning raqami kerak - buning uchun na orqa tarafdagi kod, na SMSda kelgan kod kerak bo‘lmaydi. Karta orqasidagi kodni kiritib, siz faqat to‘lovni yoki o‘tkazmani tasdiqlashingiz mumkin, lekin pulni olishni emas.
Hech qachon sizga notanish odamlar tomonidan yuborilgan havolalarga kirmang va kartaning orqa tarafidagi kodni yoki SMSda kelgan kodni kiritmang, agar xaridni yoki o‘tkazmani tasdiqlamasangiz – bu sizning pulingiz va ma’lumotlaringizni xavfsizlikda saqlashga yordam beradi. Va, albatta, yodda tuting, ehtiyotkorlik va qayta tekshirish - xavfsizlik uchun kurashda sizning asosiy vositalaringizdir.
Reklama huquqi asosida.
Izoh (0)