IMG kompaniyasi Markaziy Osiyodagi sun’iy yo‘ldosh orqali monitoring qilish tizimlari sohasida yetakchi o‘rinni egalladi
2022-yilda O‘zbekistondagi IMG (International Monitoring Group) kompaniyasi Wialon Top Partners reytingining hududiy g‘olibiga aylandi. Ushbu reytingda 150+ mamlakatdan kompaniyalar ishtirok etib, yettita hududlarning har biridan g‘oliblar aniqlandi. Yil davomida IMG kompaniyasi boshqalarga nisbatan butun Markaziy Osiyodagi biznes uchun sun’iy yo‘ldosh orqali monitoring qilish tizimlarini faolroq rivojlantirishga muvaffaq bo‘ldi.
Wialon Top Partners reytingi haqida
Reytingni GPS/GLONASS monitoring sohasidagi xalqaro ishlab chiquvchi kompaniya va o‘zining flagman mahsuloti Wialon bilan tanish bo‘lgan IoT Gurtam olib boradi. Sun’iy yo‘ldosh orqali monitoring qilish tizimlarining ushbu universal platformasi, ulangan transport vositalari va statsionar obyektlarining soni bo‘yicha jahon yetakchisi – bugungi kunda 150+ davlatlarda ularning soni 3,4 mln.dan oshdi. Wialon telematik ma’lumotlarni qabul qilish, saqlash, qayta ishlash, tahlil qilish va ular asosida turli sohalarda biznes-jarayonlarni optimallashtirish bo‘yicha qarorlarni qabul qilish imkoniyatini beradi. Bularga transport va logistika, sanoat va qishloq xo‘jaligi, xavfsizlik, aqlli shaharlarning rivojlanishi va ko‘plab boshqasi kiradi.
“Yildan yilga turli hududlarda Wialon’ga ulangan obyektlar soni tobora ko‘payib bormoqda. Bizning platformamizda amalga oshirilgan loyihalar, eng talabgir mijozlarning masalalarini hal qilgan holda, murakkablashib ketayotganini ko‘ryabmiz. Axir bu Markaziy Osiyoda sodir bo‘lmoqda. Bu yerda biznes jadal urbanizatsiyaga, raqamli xizmatlarni joriy etilishini kengaytirishga va infratuzilmani yaxshilashga ijobiy ta’sir ko‘rsatadi. Bizning hamkorlarimiz, ularning orasida IMG kompaniyasi ham, hududning yanada diversifikatsiyalangan va raqamli iqtisodiyotini yaratishga o‘z hissasini qo‘shmoqda”, – deb aytadi Anton Fedyusenko, Wialon hududiy menejeri.
IMG tajribasi
International Monitoring Group mana 13 yildirki korxonalarning egalariga o‘z avtoparklarini boshqarishda yordam bermoqda. Gap nafaqat yoqilg‘i-moylash va boshqa sarflanadigan materiallar haqida ketmayapti. Bu shuningdek, transport vositalaridan maqsadli va tejamkorlik bilan foydalanish ustidan nazorat qilish haqida ham. Rahbar istalgan vaqtda kompaniya avtoparkidagi har bitta mashina qayerda ekanligini va u to‘g‘ridan to‘g‘ri xizmat doirasida qo‘llanilayotganini tekshirishi mumkin.
“Bizning tizimimizni o‘rnatish – bu shunchaki tejamkorlik emas, balki aniq operativ ma’lumotlar va avtoparkni samarali boshqarish hisobiga nihoyatda katta qo‘shimcha foyda olishga qaratilgan haqiqiy instrument. Transportni monitoring qilish tizimining o‘zi Wialon dasturiy ta’minotidan, GPS-trekerdan va turli datchiklardan tashkil topgan. Treker avtomobilga o‘rnatiladi va real vaqt rejimida barcha parametrlarni kuzatish imkoniyatini beradi: har bitta transport vositasining joylashgan yerini, bekatlar davomiyligini, tezlikni va yo‘nalish marshrutlarini, yoqilg‘i darajasi grafigini va ko‘plab boshqasini kuzatishni”, – deydi IMG kompaniyasining hammuassisi Erkin Ruzmatov.
O‘zbekistonning deyarli barcha yirik kompaniyalari IMG mijozlaridir. Mana uch yildirki, IMG Jurabek Laboratoriyes’ga nafaqat O‘zbekiston hududida, balki chet elda ham farmasevtik mahsulotlarini yetkazib berishni nazorat qilishda yordam berib kelmoqda.
IMG kompaniyasining sifatli servisi natijasida Azia building technologies avtoparkining ishini optimallashtirishga va butun O‘zbekiston bo‘ylab joylashgan 150 ta savdo nuqtalarining har bittasidan gipsokarton va mayolikani o‘z vaqtida yetkazib berishni yo‘lga qo‘yishga muvaffaq bo‘ldi.
Butun oila uchun SwissLab tibbiy laboratoriyasi monitoring qilish tizimi yordamida transportning joylashuvini, uning marshurtda ushlanib qolishini, shuningek, harakatlanish tezligini nazorat qiladi.
“Wialon Top Partners reytingida birinchi o‘rinni egallash nafaqat xorijiy hamkorlar tomonidan bizning tadbirkorlik sezgirligimiz va telematika sohasida xizmat ko‘rsatishning yuqori standartlarini tan olish fakti, balki ko‘plab kompaniyalarga faoliyatda katta samaradorlikka erishish yo‘lidagi bevosita yordamimizning shubhasiz dalili jihatdan ham nihoyatda qadrli”, – deb ta’kidlaydi Erkin Ruzmatov.
Telefon: +998 788 888 887
Ma’lumotlar sheriklik huquqi asosida tayyorlandi.
