Biznesda samarali ishlash uchun, albatta, tegishli AT-infratuzilmasi zarur. Uni esa bir qator texnologiyalarga asoslangan turli kompaniyalar taklif qilishga tayyor. Ammo, ba’zan, aynan shu yerda muammolar tug‘iladi: kompaniyalar korporativ DTning tarqoqligi tufayli har yili taxminan 500 mln AQSH dollari yo‘qotadilar. Qanday qilib ishni tizimli tashkil qilish va jarayonlarni optimallashtirish mumkin? Bu haqda LeverX Group kompaniyasining integratsiya bo‘yicha arxitektori Dmitriy Kotov bilan suhbatlashdik.
LeverX Group haqida
LeverX Group – bu xalqaro AT-kompaniyasi bo‘lib, AQSH, Sharqiy va G‘arbiy Yevropa hamda Markaziy Osiyoda o‘z ofislariga ega. Hozirda LeverX Group kompaniyasida 1500 dan ortiq kishi ishlaydi. Kompaniya SAP-yechimlarni ishlab chiqish va joriy etishga ixtisoslashgan, shuningdek, AR, AI, Machine Learning, Data Science kabi zamonaviy texnologiyalardan foydalangan holda iste’molchilarning ehtiyojlariga moslashtirilgan veb va mobil mahsulotlarni yaratadi.
— Dmitriy, tarqoq DTdan foydalanish muammosi nimadan iborat?
- Agar ilgari: axborotga egalik qiluvchi — dunyoga egalik qiladi deyishgan bo‘lsa. Hozir ma’lumotga egalik qilishning o‘zi yetarli emas degan bo‘lardim. Ushbu axborotga tezkor kira olish juda muhimdir. Ma’lumotlar hajmi juda katta bo‘lib, ularga oddiy usulda kirish ham yetarli emas, qaror qabul qilishni tezlashtirish vositalari, tahliliy ishlar kerak.
Agar biz DTning uyushmaganligi haqida gapiradigan bo‘lsak, bu avval boshidan biznes-jarayonlar taqsimlangan tizimlar o‘rtasidagi integratsiyaning past bo‘lishini anglatadi. Ma’lumotlar o‘zaro bog‘lanmagan, ularga kirish tezligi – past, tahliliy imkoniyatlar mavjud emas va bularning barchasi qaror qabul qilish tezligiga ta’sir qiladi. Qarorlar o‘z vaqtida qabul qilinmaydi. Natijada – vaqt, foyda, imkoniyatlar yo‘qotiladi.
- Buning yechimi qanday bo‘lishi mumkin?
— Biz aynan DTning barcha elementlarini yagona tizimga jamlash imkonini beruvchi SAP Business Technology Platform (BTP) platformasiga e’tibor qaratishni taklif qilamiz.
SAP BTP – bu ko‘p sonli AT-yechimlarni o‘z ichiga olgan platformadir. U qat’iy unifikatsiyalashtirilgan, biznesga yo‘naltirilgan va ochiq hisoblanadi. U SI asosida tahlil qilish va ma’lumotlar bilan ishlashni o‘z ichiga oladi. Unda, tabiiyki, yangi ilovalarni ishlab chiqish, avtomatlashtirish va mavjud tizimlar bilan integratsiyalashuv ham nazarda tutilgan.
Ushbu platformaning 4 ta asosiy komponentini ajratish mumkin:
- Ma’lumotlarni va ma’lumot bazalarini boshqarish — nafaqat SAP-tizimlardan, balki begona ishlab chiqaruvchilardan olinishi mumkin bo‘lgan korxona ma’lumotlarini saqlash, ularga kirish, o‘zaro bog‘lash va talqin qilish;
- Analitika — SAP Analytics Cloud — qaror qabul qilish va prognozlash uchun xizmat qiladi. Axborotni har tomonlama tahlil qilish asosida qaror qabul qilish yanada tezlashadi;
- Ilovalar integratsiyasi — qabul qilingan qarorlarni amalga oshirish. Yuz minglab kompaniyalarda bir xil yoki juda o‘xshash ichki jarayonlar mavjud. Bu shuni anglatadiki, ularning ko‘pchiligi uchun velosipedni qayta ixtiro qilish shart emas – tayyor va sinovdan o‘tgan yechimdan foydalanish mumkin. Platforma esa mos variantlarni taklif qilishga tayyor;
- Intellektual texnologiyalar. Bularga sun’iy intellekt va mashinali o‘qitish, ashyolar interneti va jarayonlarni robotlashtirish kiradi. Tizim, masalan, texnik yordam ko‘rsatish yoki chat botlari uchun tayyor yechimlarni taklif qiladi.
— SAP BTP’ni joriy qilish nafaqat biznes uchun, balki uning xodimlari uchun ham foydalimi?
Slack servisi o‘tkazgan so‘rovga ko‘ra, 64 foiz xodimlar bir tizimdan boshqasiga o‘tish uchun kuniga kamida 30 daqiqa – yiliga taxminan 130 soat sarflashadi! Bu oxir-oqibat motivatsiyaning yo‘qolishiga va mehnat unumdorligining pasayishiga olib keladi. Kompaniya xodimlarining zerikarli vazifalari qanchalik kam bo‘lsa, ularning resurslaridan ijodiy vazifalar uchun shunchalik ko‘p foydalanish mumkin.
Ha, SAP BTP joriy etilishi bilan yangicha ishlashga to‘g‘ri keladi. Ammo menimcha, bu yaxshi xodimlarga, aksincha, motivatsiya beradi, ish jarayoniga xilma-xillik kiritadi. Zerikarli ishdan qutulish qulaylik yaratadi degan fikrga hamma qo‘shilishiga ishonchim komil. Bu jarayon darhol va oson kechmasligi mumkin, ammo pirovardida bunga arziydi.
— Zamonaviy dunyoda shunga o‘xshash vazifalarni hal qiladigan boshqa platformalar ham mavjud bo‘lsa kerak? Nima uchun aynan SAP BTP?
Rostini aytsam, men shu kunda muqobil platformalarni bilmayman. Hech bo‘lmaganda bunday global yondashuvga ega platformalardan xabarim yo‘q. Hozirda bu “oldingi saf” — aqlli korxonalarni yaratish sohasidagi ishdir. Bu sohada rivojlanayotgan kompaniyalar ko‘p emas. Shuning uchun, muammoni hozircha, SAP BTP tizimli hal qiladi.
Bu ilg‘or yechim. Platformani birinchi bo‘lib joriy etgan va qo‘llay boshlagan kompaniyalar kelgusi yillarda katta raqobat ustunligiga ega bo‘ladilar. Ularni o‘z vaqtida o‘zlashtirib, qo‘llashga muvaffaq bo‘lganlar yuqori o‘rinlarni egallaydi.
Ma’lumot uchun
Agar SAP BTP imkoniyatlari va korporativ DTning uzluksiz integratsiyasi haqida ko‘proq ma’lumot olishni istasangiz, LeverX Group vebinari uchun ro‘yxatdan o‘ting. Unda Dmitriy Kotov va Denis Shestak qanday qilib butun korxona doirasida yagona AT ekotizimini yaratish, xarajatlarni kamaytirish va uzluksiz ishni ta’minlash mumkinligi haqida gapirib beradilar. Vebinar 8-dekabr kuni soat 15:00 da boshlanadi — batafsil ma’lumot havolada.
Reklama huquqi asosida.
Izoh (0)