Yil boshidan beri O‘zbekistonda qaysi hududlardan ko‘proq soliq tushumlari olindi?

O‘zbekistonda joriy yilning 11 oyida soliq organlari tomonidan 135,8 trln so‘m tushumlar ta’minlanib, o‘tgan yilning mos davriga nisbatan 20 trln so‘mga yoki 117 foiz o‘sishga erishildi. Bu haqda Davlat soliq qo‘mitasi xabar bermoqda. 

Soliq turlari kesimida mol-mulk solig‘idan 3,6 trln so‘m undirilib, o‘tgan yilning mos davriga nisbatan 1,3 trln so‘mga yoki 157 foizga o‘sishga erishildi. 

Shuningdek, yanvar—noyabr oylarida yer solig‘idan 4,8 trln so‘m undirilgan. Bu ko‘rsatkich 2021-yilning mos davriga nisbatan 1,2 trln so‘mga yoki 133 foizga o‘sgan. 

Bundan tashqari, aylanmada olinadigan soliqlardan 2,3 trln so‘m undirilgan bo‘lsa, QQS tushumlari 30,4 trln so‘mni tashkil qilgan. 

11 oyda soliq tushumlari hududlar kesimida Toshkent shahrida eng ko‘p bo‘lgan — 19,3 trln so‘m. Bu o‘tgan yilning mos davriga nisbatan 5,8 trln so‘mga ko‘p. 

Farg‘ona viloyatida 3,9 trln so‘mlik soliq tushumlari bilan ikkinchi bo‘lgan bo‘lsa, Samarqand viloyatida bu ko‘rsatkich biroz kamroq, 3,8 trln so‘mni tashkil qilgan. 

Shuningdek, Buxoro viloyatida 3 trln so‘mlik, Qoraqalpog‘istonda 2,1 trln so‘mlik, Jizzax viloyatida 1,6 trln so‘mlik. Sirdaryo viloyatida 1,1 trln so‘mlik soliq tushumlar undirilgan.

Mavzuga doir: 

• O‘zbekistonda qo‘shilgan qiymat solig‘ining pasayishi iqtisodiyotga qanday ta’sir qiladi?
• Tamaki mahsulotlari uchinchi, alkogollar to‘rtinchi: 2022-yil yarmi bo‘yicha aksiz solig‘i tushumlari e’lon qilindi