Yevropa Ittifoqiga Britaniya gazining kunlik eksporti rekord darajaga yetdi

Yevropa Ittifoqining Rossiya xomashyosiga qaramligini kamaytirish fonida dekabr oyida Britaniyaning mintaqaga kunlik tabiiy gaz eksporti 2016-yildan beri eng yuqori darajaga yetdi. Bu haqda The Telegraph xabar bermoqda.

Ma’lumotlarga ko‘ra, 4—5-dekabr kunlari Shimoliy dengizdagi Interconnector gaz quvuri orqali Buyuk Britaniyadan Belgiyaga yuborilgan tabiiy gaz hajmi bo‘yicha dekabr oyidagi eng yuqori ko‘rsatkichlar olti yil ichida qayd etilgan.

Belgiyaning Zeyebrugge Fluxys shahridagi gaz terminali operatorining ma’lum qilishicha, ular kuniga qariyb 55 million kubometr gazga import qilgan.

Shu bilan birga, Buyuk Britaniya qish mavsumida qirollikning o‘zida gazga bo‘lgan talab ortib borayotgani sababli kontinental Yevropaga kamdan-kam hollarda gaz eksport qiladi.

Biroq Yevropa Ittifoqi Shimoliy dengizning Britaniya shelfidagi qazib olinayotgan gazdan Rossiya energiya resurslariga qaramlikni kamaytirish yo‘llaridan biri sifatida foydalanishi mumkin.

Bundan tashqari, Yevropa Ittifoqidagi gaz narxi Buyuk Britaniyaga nisbatan yuqoriligi savdogarlarni qit’aga ko‘proq gaz yo‘naltirishga undadi.

Avvalroq Yevropa gaz iste’molini kamaytirayotgani haqida xabar berilgandi.