O‘zbekistonda noyabr oyida 1,3 foizlik inflyatsiya qayd etildi. Bu haqda Davlat statistika qo‘mitasi hisobotida qayd etildi.
Shu tariqa oylik narxlar aprel oyidan beri eng ko‘p o‘sdi. Aprelda 1,5 foizlik inflyatsiya qayd etilgan edi.
Yanvar—noyabrida iste’mol bozorida narxlarning o‘sish sur’ati 10,9 foizga yetdi. O‘rtacha oylik o‘sish sur’ati esa 0,9 foizni tashkil etdi.
Yillik nisbatda (2021-yilning noyabr oyiga nisbatan) iste’mol sektorida narxlarning o‘sish sur’ati 12,3 foizni tashkil etdi.
O‘tgan oyda oziq-ovqat mahsulotlarining yillik nisbatdagi narxlarining o‘sish sur’ati 16 foizga yetib, ushbu guruhning mutlaq yetakchiligini ta’minladi.
Nooziq-ovqat mahsulotlar va pullik xizmatlar ushbu davrda mos ravishda 10,8 foiz va 7,8 foizga qimmatlashgan.
Avvalroq O‘zbekistonda 2023-yilda meva va sabzavotlar narxi jiddiy o‘sishi kutilayotgani haqida xabar berilgan edi.
Izoh (0)