Ўзбекистонда ноябрь ойида 1,3 фоизлик инфляция қайд этилди. Бу ҳақда Давлат статистика қўмитаси ҳисоботида қайд этилди. 

Шу тариқа ойлик нархлар апрель ойидан бери энг кўп ўсди. Апрелда 1,5 фоизлик инфляция қайд этилган эди. 

Январь—ноябрида истеъмол бозорида нархларнинг ўсиш суръати 10,9 фоизга етди. Ўртача ойлик ўсиш суръати эса 0,9 фоизни ташкил этди. 

Йиллик нисбатда (2021 йилнинг ноябрь ойига нисбатан) истеъмол секторида нархларнинг ўсиш суръати 12,3 фоизни ташкил этди. 

Ўтган ойда озиқ-овқат маҳсулотларининг йиллик нисбатдаги нархларининг ўсиш суръати 16 фоизга етиб, ушбу гуруҳнинг мутлақ етакчилигини таъминлади. 

Ноозиқ-овқат маҳсулотлар ва пуллик хизматлар ушбу даврда мос равишда 10,8 фоиз ва 7,8 фоизга қимматлашган.

Аввалроқ Ўзбекистонда 2023 йилда мева ва сабзавотлар нархи жиддий ўсиши кутилаётгани ҳақида хабар берилган эди.