Olis hududlarni internet bilan ta’minlash uchun O‘zbekistonda nimalar qilinmoqda?

O‘zbekistonning olis hududlarini internet tarmog‘i bilan ta’minlash uchun mamlakat bo‘ylab 3G/4G standartida 2 255 ta, 5G standartida 388 ta yangi baza stansiyalari o‘rnatiladi. Bu haqda AOKAda o‘tkazilgan brifingda “O‘zbektelekom” AK axborot xizmati rahbari Temur Mamajonov ma’lum qildi.

Qayd etilishicha, 2022-yilning o‘tgan 9 oyi davomida “O‘zbektelekom” kompaniyasiga jami 5 403 ta murojaat kelib tushgan. Ularning 2 foizi telekommunikatsiya xizmatlari uchun to‘lovlar va billing masalalari, 7 foizi telekommunikatsiya xizmatlarining sifati bo‘yicha bo‘lsa, 91 foizini telekommunikatsiya tarmoqlariga ulanish va infrastruktura, ya’ni umumiy foydalanishdagi telefon tarmog‘iga ulanish, telefon o‘rnatish, simli internet tarmog‘iga ulanish va joylarda mobil aloqa tayanch stansiyalarini o‘rnatish masalalariga to‘g‘ri kelmoqda.

Ushbu masalalarni ijobiy hal etish maqsadida kompaniya tomonidan Huawei, ZTE kompaniyalari bilan yirik investitsiyaviy loyihalar bo‘yicha kelishuvga erishildi.

Mavzuga doir:

• O‘zbekistonda axborot texnologiyalarini rivojlantirish bo‘yicha manzilli ro‘yxat shakllantiriladi
• O‘zbekistonda internetga eng kam ulangan abonentlar soni qaysi viloyatdaligi ma’lum bo‘ldi