Qashqadaryoda yengilroq jazo tayinlatib berish evaziga fuqarodan 3,1 ming dollar va 23 mln so‘m olgan shaxs ushlandi

Qashqadaryo viloyati Shahrisabz tumanida fuqaroga yengilroq jazo tayinlatib berishni va’da qilgan shaxs ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.

Bosh prokuratura huzuridagi departamentning Shahrisabz tumani bo‘limi tomonidan tergovga qadar tekshiruv o‘tkazilgan. Unda F.S. (muqaddam sudlangan) fuqaro D.M.ning ishonchiga kirib, uning transportdan foydalanish xavfsizligi qoidalarini buzgani yuzasidan IIB organlarida tergov harakatlari olib borilayotgan jinoyat ishi bo‘yicha tanishlari orqali yengilroq jazo tayinlatib berish evaziga 3 100 dollar va 23 million so‘mini firibgarlik yo‘li bilan qo‘lga kiritgani aniqlangan. F.S. o‘z ixtiyori bilan ushbu olgan pullari hisobidan 500 ming so‘mni qaytargani protsessual tartibda rasmiylashtirilgan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.

Mavzuga doir:

• Andijonda jinoyat ishi bo‘yicha tergov jarayonini ijobiy hal etish uchun 8 ming dollar olgan shaxs ushlandi
• Namanganda o‘zini bloger deb tanishtirib sudga ta’sir o‘tkazishga uringan shaxsga nisbatan jinoyat ishi qo‘zg‘atildi