Toshkentda yangi ekspress avtobus yo‘nalishi tashkil etildi

Toshkent shahri transport bosh boshqarmasi matbuot xizmatining ma’lum qilishicha, yangi ekspress avtobus yo‘nalishi tashkil etildi.

Prezidentning “Toshkent shahar jamoat transporti tizimini yanada rivojlantirishga doir qo‘shimcha chora-tadbirlar to‘g‘risida”gi qaroriga asosan aholining jamoat transportidan foydalanish darajasini oshirish maqsadida 23-noyabr kunidan boshlab Ye-1-sonli TTZ ASHB-Mashinasozlar metrosi ASHB yangi ekspress avtobus yo‘nalishi tashkil etildi.

Avtobus yo‘nalishi TTZ ASHBdan Yuzrabot, Gulsanam, Buyuk ipak yo‘li, Mirzo Ulug‘bek, Taraqqiyot 2-tor ko‘chalari orqali Mashinasozlar metrosi ASHBga qadar harakatlanadi. To‘xtash bekatlari: TTZ bozori, Buyuk ipak yo‘li metrosi, Shifokorlar malakasini oshirish instituti, Ashxobod bog‘i.

Mavzuga doir:

• Toshkentda yo‘l haqi 3 ming so‘mli ekspress avtobus yo‘nalishi tashkil etiladi
• Toshkentga 190 dona katta sig‘imli yangi avtobus keltiriladi