Toshkentning Yangihayot tumanida er alimentga bergani uchun xotinini ayovsiz kaltaklab, bolalarini derazadan tashlab yuborish bilan tahdid qildi. Bu haqda “Milliy” telekanalining “Millar” informatsion dasturida xabar qilindi.
Ma’lum qilinishicha, 1972-yilda tug‘ilgan er ikki nafar farzandi bo‘lgan shar’iy nikohidagi turmush o‘rtog‘ini ayovsiz do‘pposlagan. Buning oqibatida ayol tan jarohati olgan, bir necha qovurg‘alari singan. Er o‘z ko‘rsatmasida ayoli u bilan yaqinlik qilishga rozi bo‘lmagani uchun kaltaklaganini aytgan.
Ayolning so‘zlariga ko‘ra, uni birinchi marta do‘pposlashi emas. Shu sababli o‘zini himoya qilish uchun yostig‘i tagiga pichoq qo‘yib yotgan. Eri uyga haftada bir kelgan va har kelganida janjal qilib, uni o‘ldirish bilan, bolalarini balkondan tashlab yuborish bilan tahdid qilib kelgan.
23-iyul kuni uxlab yotganida eri unga tashlanib, bo‘g‘a boshlagan va alimentga bergani, shuningdek, 15 sutka qamoq uchun qasd olishini aytgan.
Xabarda aytilishicha, sud hukmi bilan er Jinoyat kodeksining 105-moddasi 1-qismi (qasddan badanga o‘rtacha og‘ir shikast yetkazish) bilan aybli deb topildi va ikki yilga ozodlikdan mahrum qilindi.
Mavzuga doir:
Izoh (0)