Тошкентнинг Янгиҳаёт туманида эр алиментга бергани учун хотинини аёвсиз калтаклаб, болаларини деразадан ташлаб юбориш билан таҳдид қилди. Бу ҳақда «Миллий» телеканалининг «Миллар» информацион дастурида хабар қилинди.
Маълум қилинишича, 1972 йилда туғилган эр икки нафар фарзанди бўлган шаръий никоҳидаги турмуш ўртоғини аёвсиз дўппослаган. Бунинг оқибатида аёл тан жароҳати олган, бир неча қовурғалари синган. Эр ўз кўрсатмасида аёли у билан яқинлик қилишга рози бўлмагани учун калтаклаганини айтган.
Аёлнинг сўзларига кўра, уни биринчи марта дўппослаши эмас. Шу сабабли ўзини ҳимоя қилиш учун ёстиғи тагига пичоқ қўйиб ётган. Эри уйга ҳафтада бир келган ва ҳар келганида жанжал қилиб, уни ўлдириш билан, болаларини балкондан ташлаб юбориш билан таҳдид қилиб келган.
23 июль куни ухлаб ётганида эри унга ташланиб, бўға бошлаган ва алиментга бергани, шунингдек, 15 сутка қамоқ учун қасд олишини айтган.
Хабарда айтилишича, суд ҳукми билан эр Жиноят кодексининг 105-моддаси 1-қисми (қасддан баданга ўртача оғир шикаст етказиш) билан айбли деб топилди ва икки йилга озодликдан маҳрум қилинди.
Мавзуга доир:
Изоҳ (0)