Qashqadaryoda 17 yoshli qiz ijaradagi uyida is gazidan zaharlanib vafot etdi

Qashqadaryo viloyati Qarshi shahrida 20-noyabr kuni 17 yoshli abituriyent qiz is gazidan zaharlanib vafot etdi. Bu haqda Nasafnews xabar bermoqda.

Qarshi shahri “Mahallot” mahallasi Ahmad Yassaviy ko‘chasida joylashgan uyda ijarada yashab kelayotgan qiz is gazidan zaharlanib vafot etgan. Ma’lum bo‘lishicha, 2005-yilda tug‘ilgan qizning jasadi hammomdan topilgan. Marhuma Koson tumanida istiqomat qilgan. Qarshi shahridagi o‘quv markazida tahsil olgani uchun “Mahallot” mahallasidagi xonadonda ijarada yashagan.

Qashqadaryo viloyati prokuraturasining ma’lum qilishicha, hozirda holat yuzasidan Qarshi shahri prokuraturasi tomonidan tergovga qadar tekshiruv harakatlari olib borilmoqda.

Mavzuga doir:

• Xorazm va Jizzaxda is gazidan jami 5 kishi vafot etdi
• Jizzaxda ayol va uning ikki farzandi is gazidan zaharlanib, vafot etgani tasdiqlandi
• O‘zbekistonda 2020-yildan shu kunga qadar is gazidan zaharlanish bo‘yicha 428 ta holat sodir bo‘lgan