Bortida ekipaji bo‘lmagan Orion uchuvchisiz kosmik kemasi Oyni aylanib uchdi, deb xabar beradi NASA.
U Oy yuzasidan taxminan 130 km balandlikda, soatiga 8210 km tezlikda harakatlanib uchdi. Oyni aylanib parvoz qilish chog‘ida Orion Yerdan 370 149 ming km uzoqlikda bo‘lgan.
Orion olis retrograd orbitaga 25-noyabr kuni chiqishi kutilmoqda. U yerda u tizimlarni tekshirib ko‘rish uchun bir haftacha bo‘ladi. Orion 11-dekabr kuni Yerga qo‘nishi kerak.
Orion kosmik kemasi 16-noyabr kuni uchirilgan edi. Kema ichida tirik jonzotlar yo‘q — unda faqat manekenlar bo‘lib, ular ekipajning bo‘lg‘usi a’zolari uchun ma’lumotlar qayd etib boladi. Bu bortida odamlar bo‘lmagan kemaning birinchi marta uchirib sinalishidir.
Parvoz Artemis 1 dasturi soirasida amalga oshirilmoqda, u AQSH Oy dasturining birinchi bosqichi bo‘lib, maqsadi odamlarni Oyga tushirishdan iborat. Ikkinchi bosqichda Oyni bortida ekipaji bo‘lgan kema aylanib uchishi ko‘zda tutilgan. Uchinchi bosqich — odamlarni Oyga yetkazish — 2024-yilga rejalashtirilgan.
Avvalroq NASA vakili 2030-yilga kelib, astronavtlar Oyda yashaydigan va ishlaydigan bo‘lishini ma’lum qilgan edi. Govard Xuning aytishicha, NASA Orion kemasi yordamida odamlarni Oyga tushirish imkonini beruvchi uzoq muddatli dastur ishlab chiqmoqda. Uning so‘zlariga ko‘ra, agar “Artemida”ning joriy parvozi muvaffaqiyatli kechsa, unda keyingi parvoz ekipaj ishtirokida bo‘ladi. Undan keyin esa uchinchi parvoz uyushtirilib, uning doirasida astronavtlar bundan 50 yil avval — 1972-yil dekabrida “Apollon-17” kemasi parvozidan keyin birinchi marta yana Oyga qo‘nadi.
Izoh (0)