Indoneziyaning G‘arbiy Yava provinsiyasida 21-noyabr kuni sodir bo‘lgan zilzila qurbonlari soni 162 kishini tashkil qilmoqda. Bu haqda Sky News xabar berdi.
Qurbonlarning aksariyati bolalar bo‘lib, tabiiy ofat oqibatida 326 kishi yengil yoki og‘ir darajadagi tan jarohatlari olgan. Zilzila epitsentri Chanjur shahridan 10 kilometr janubi-g‘arbda yer ostida joylashgan. 5,6 magnitudali zilzila 2 345 ta uyga jiddiy zarar yetkazgan, 13 400 kishi evakuatsiya qilingan.
Tabiiy ofatlarga qarshi kurash milliy agentligi ma’lumotiga ko‘ra, ko‘pchilik binolar qulashi oqibatida jabr ko‘rgan, ayrim aholi vayronalar ostida qolib ketgan. Shu bilan birga, Chanjur mahalliy hokimiyati ayrim joylarda odamlarni evakuatsiya qilish ishlari ko‘chki tufayli murakkablashayotganini ta’kidladi.
Zilzilada jarohatlangan bolalarning ba’zilari reanimatsiyaga olib ketilgan, boshqalari kislorod apparatiga ulangan.
Mavzuga doir:
Indoneziyadagi zilzilada 44 kishi halok bo‘ldi, 300 ga yaqin odam jarohat oldi (video)
Nepaldagi zilzila oqibatida 6 kishi halok bo‘ldi, ulardan 5 nafari — bolalar
Filippinda suv toshqinlari va ko‘chki oqibatida 30 dan ortiq odam halok bo‘ldi (video)
Izoh (0)