Xitoyning Xenan provinsiyasi Anyan shahridagi Kaixinda Trading Co Ltd. zavodida yong‘in sodir bo‘ldi, oqibatda 36 kishi halok bo‘ldi, deb xabar beradi Sina nashri.
Bundan tashqari, yana ikki kishi jabrlangan, ular yengil shikastlanishlar bilan kasalxonaga yetkazilgan. Shuningdek, yana ikki kishi bedarak yo‘qolgan.
Sina ma’lumotlariga ko‘ra, yong‘in 21-noyabr kuni 16:22 da (Toshkent vaqti bilan 13:22) da boshlangan, uni 23:00 ga yaqin (20:00) o‘chirishga muvaffaq bo‘lishgan. Alanga nima sababdan chiqqani noma’lum.
Ba’zi manbalarda qurbonlar soni 38 kishi deyilmoqda.
Yong‘inni o‘chirishga 68 ta texnika, 240 dan ziyod o‘t o‘chiruvchilar jalb qilingan. 22-noyabr ertalab holatiga, yong‘inni nazorat ostiga olishga erishishgan, qutqaruvchilar korxonaning vayron bo‘lgan binosida qidirish ishlarini davom ettirmoqda.
Izoh (0)