Бортида экипажи бўлмаган Orion учувчисиз космик кемаси Ойни айланиб учди, деб хабар беради NASA.
У Ой юзасидан тахминан 130 км баландликда, соатига 8210 км тезликда ҳаракатланиб учди. Ойни айланиб парвоз қилиш чоғида Orion Ердан 370 149 минг км узоқликда бўлган.
Orion олис ретроград орбитага 25 ноябрь куни чиқиши кутилмоқда. У ерда у тизимларни текшириб кўриш учун бир ҳафтача бўлади. Orion 11 декабрь куни Ерга қўниши керак.
Orion космик кемаси 16 ноябрь куни учирилган эди. Кема ичида тирик жонзотлар йўқ — унда фақат манекенлар бўлиб, улар экипажнинг бўлғуси аъзолари учун маълумотлар қайд этиб болади. Бу бортида одамлар бўлмаган кеманинг биринчи марта учириб синалишидир.
Парвоз Артемис 1 дастури соирасида амалга оширилмоқда, у АҚШ Ой дастурининг биринчи босқичи бўлиб, мақсади одамларни Ойга туширишдан иборат. Иккинчи босқичда Ойни бортида экипажи бўлган кема айланиб учиши кўзда тутилган. Учинчи босқич — одамларни Ойга етказиш — 2024 йилга режалаштирилган.
Аввалроқ NASA вакили 2030 йилга келиб, астронавтлар Ойда яшайдиган ва ишлайдиган бўлишини маълум қилган эди. Говард Хунинг айтишича, NASA Orion кемаси ёрдамида одамларни Ойга тушириш имконини берувчи узоқ муддатли дастур ишлаб чиқмоқда. Унинг сўзларига кўра, агар «Артемида»нинг жорий парвози муваффақиятли кечса, унда кейинги парвоз экипаж иштирокида бўлади. Ундан кейин эса учинчи парвоз уюштирилиб, унинг доирасида астронавтлар бундан 50 йил аввал — 1972 йил декабрида «Аполлон-17» кемаси парвозидан кейин биринчи марта яна Ойга қўнади.
Изоҳ (0)