Kungaboqar yog‘ining o‘rnini bosa oladigan 10 ta mahsulot

Ko‘pgina parhezshunoslar kungaboqar yog‘i foydadan ko‘ra ko‘proq zarar keltiradi, degan xulosaga keldi. Marie Claire nashri uning o‘rnini bosa oladigan muqobil mahsulotlarni sanab o‘tdi.

Ko‘pchilik taom tayyorlash vaqtida odat tusiga aylangan kungaboqar yog‘idan foydalanadi. Bu eng oson yo‘l, lekin, afsuski, foydali emas: yuqori haroratlarda, kungaboqar yog‘i o‘zidan aldegidlarni chiqaradi. Ular yallig‘lanish reaksiyalarini tezlashtiradi va yurak-qon tomir, oshqozon-ichak kasalliklarining rivojlanishiga hissa qo‘shadi, hatto saraton rivojlanishiga olib kelishi mumkin. Bundan tashqari, kungaboqar yog‘ining kaloriyasi juda yuqori, shuning uchun hatto salatga qo‘shilsa ham vazn ortishiga olib kelishi mumkin. Albatta, bu mahsulot ham afzalliklarga ega (agar qayta ishlanmagan yog‘ bo‘lsa), lekin bu ozuqaviy qo‘shimchani rad etadigan odamlar tobora ko‘payib bormoqda.

Kokos yog‘i

Kungaboqar yog‘ini kokos yog‘iga almashtirish juda yaxshi tanlovdir, chunki ikkinchisi juda ko‘p foydali xususiyatlarni o‘z ichiga oladi. U organizmdagi hujayralarning rivojlanishi va faoliyatiga ta’sir qiluvchi to‘yingan yog‘ hisoblanadi. Unda antivirus va antibakterial xususiyatlarga ega immunitet tizimini mustahkamlovchi laurik kislota ham mavjud. Kokos yog‘i parhezda bo‘lganlar uchun mukammal mahsulot hisoblanadi — u metabolizmni tezlashtiradi va bir osh qoshiqda faqat 117 kaloriya bor.

Zaytun yog‘i

Zaytun yog‘i eng keng tarqalgan ajoyib o‘rinbosardir, uni deyarli har qanday salat va qovurilgan go‘sht bilan tatib ko‘rish mumkin. Ammo zaytun yog‘i pishirish paytida o‘ziga xos hidga ega bo‘ladi, bu esa hammaga ham yoqmaydi. U muhim yog‘ kislotalari, K va E vitaminlari, kalsiy, fosfor, kaliy, antioksidantlarni o‘z ichiga oladi. Zaytun yog‘idan doimiy foydalanish toksinlarni chiqarib tashlash, xolesterinni kamaytirish, qon tomirlarini kengaytirish va ovqat hazm qilish jarayonini yaxshilashga yordam beradi.

Pista va yong‘oqlar

Salatlar uchun har qanday yog‘dan butunlay voz kechish va yog‘larni o‘z ichiga olgan mahsulotlardan foydalanish mumkin. Misol uchun, qovoq, zig‘ir urug‘i, kunjut, pista, yong‘oq va qarag‘ay yong‘oqlari. Pista va yong‘oqlar xolesterin darajasi hamda yurak kasalliklari xavfini kamaytiradigan to‘yinmagan yog‘larning tabiiy manbai hisoblanadi.

Avokado

Salatning eng yaxshi asosi avokado bo‘lib, u boshqa taomlarning ta’mini yanada mazali qiladi va sog‘liq uchun juda ko‘p foyda keltiradi. Avokadodan salat, shohona taom hamda shirinliklar uchun foydalanish mumkin.

Smetana va sutli yogurt

Biror mahsulotni tovada qovurish uchun kungaboqar yog‘ini smetana yoki tabiiy yogurt bilan osongina almashtirish mumkin. Ushbu souslar yetarli miqdordagi yog‘ni o‘z ichiga oladi va mahsulotni yanada yumshoq va mazali qiladi. Xuddi shu narsa baliq pishirish uchun ham amal qiladi. Smetanani salatlarga ishonch bilan qo‘shish yoki yanada to‘yimli qilish uchun mayonezdan foydalanish mumkin.

Sabzavot va meva pyuresi

Agar mehmonlarni shirinlik yoki pishiriqlar bilan ajablantirishni istasangiz, unda kungaboqar yog‘i o‘rniga meva pyuresini qo‘shib ko‘rish tavsiya etiladi. Olma, banan, o‘rik — bunda har kim ta’bga ko‘ra foydalanishi mumkin. Ko‘pchilik banan pyuresini shirinlik yoki pechenyelarni yumshoq bo‘lib chiqishi uchun qo‘shadi.