Agar bir stakan kappuchino kundalik hamrohingizga aylangan bo‘lsa, qahva bilan munosabatlarni qayta ko‘rib chiqish vaqti keldi. “Lady.mail.ru” nashri qahva ichishda me’yordan oshganlikni bildiruvchi 5 ta belgini eslatib o‘tdi.
Qahva uchun ko‘p pul sarflash
Ertalab qahvaxonada doimgidek kappuchino, do‘stlar bilan uchrashuvda latte, haftada bir marta qahva mashinasi uchun kapsulalar sotib olish. Budjetning asosiy ulushi qayerga ketishini hali ham bilmayapsizmi?
Qahva ichilmaganda, g‘azablanish
Qahvaga qaramlik shunday namoyon bo‘ladi: kayfiyat tushib ketadi va hayotda yoqimsiz narsalar ko‘payadi. Ammo espressoning birinchi dozasi bilan barcha alomatlar yo‘qoladi, afsuski, bularning barchasi qahva ichishda cheklanish vaqti kelganligining belgisidir.
Titroqning kuzatilishi, ammo sovuqdan emas
Ikkita 0,5 litrli americano qahvasidan keyin oyoq-qo‘llar beixtiyor qaltiray boshlasa, hayron bo‘lmaslik kerak. Organizm shu orqali kofein dozasi oshib ketganligi haqida signal beradi va titrash funksiyasini yoqadi.
Qahva organizmni tetiklashtirmaydi
Odatda qahva energiya beradi, lekin bir stakan lattedan keyin energiya darajasi nolga tushadi. Kofeinni ortiqcha iste’mol qilish tufayli organizmni tetiklantirish uchun yanada ko‘proq doza kerak.
Qahvadan istalgan vaqtda voz kecha olmaslik
Chekuvchilar ham yarim saat ichida uchinchi marotaba chekishdan oldin, uni istagan vaqtda tashlay olishiga ishonadi. Qahvaga qaramlik shifokorlarning ixtirosi emas, balki sog‘liq muammolari bilan to‘la haqiqiy tobelikdir. Agar yuqoridagi belgilar o‘zingizga tanish tuyilsa, darhol chora ko‘rish tavsiya etiladi.
Izoh (0)