Yevroittifoq O‘rta Osiyo bilan hamkorlikni kuchaytirishi kerak, deb hisoblaydi Yevropa diplomatiyasi rahbari Jozep Borrel. Uning fikricha, mintaqaning energetika yetkazmalari, o‘ta muhim xomashyo importi va Rossiyani aylanib o‘tuvchi yangi transport yo‘laklari bo‘yicha salohiyatini amalga oshirish kerak.
Borrelning fikricha, Rossiya va Xitoy O‘rta Osiyoda yetakchi rolni o‘ynashda davom etmoqda. Shu bilan birga, uning fikricha, ushbu mintaqa mamlakatlari aloqalarni xilma-xillashtirishga intilmoqda va Yevroittifoqda o‘ziga mos sherikni ko‘rmoqda.
“Yevroittifoq sifatida biz bu o‘zgarishlardan foydalanib qolishdan manfaatdormiz. Biz mintaqa bilan aloqalarimizni chuqurlashtirishimiz, uning ulkan salohiyatini ishga tushirishimiz kerak, bular esa energiya manbalari, o‘ta muhim xomashyo yetkazib berish va Rossiyaga bog‘liq bo‘lmagan yangi transport yo‘laklaridan iboratdir”, — deb yozdi Borrel o‘z blogida Markaziy Osiyoga safari yakunalri haqida. Uning qayd etishicha, gap Transkaspiy yo‘lagi haqida bormoqda, uning Qozog‘istonga tashrifi chog‘ida uni rivojlantirish masalasi muhokama qilingan edi.
Jozep Borrel Markaziy Osiyoga tashrifi mobaynida Yevroittifoq ushbu mintaqa mamlakatlariga investitsiyalar hajmi bo‘yicha yetakchilik qilayotgani, ushbu ko‘rsatkich bo‘yicha Rossiya va Xitoyni ortda qoldirayotganini ma’lum qildi. Yevroittifoq mamlakatlari so‘nggi o‘n yil ichida Markaziy Osiyo davlatlariga 105 milliard yevro investitsiya kiritgan.
O‘tgan hafta Samarqandda Turkiy davlatlar tashkilotining birinchi sammiti bo‘lib o‘tdi. Unda tashkilot a’zolarining siyosiy, iqtisodiy va madaniy hamkorligini kuchaytirish rejalari belgilab olindi hamda turkiy dunyoning azaliy “Sharq va G‘arbni bog‘lab, jahon sivilizatsiyalarini yaqinlashtirish” roli haqida ko‘p gapirildi.
Izoh (0)